قازاقستاندىق ستەند 200 شارشى مەتردەن استام اۋداندى الىپ وتىر, وندا وتاندىق كومپانيالار اسكەري جانە ەكى ماقساتتاعى ونىمدەرىنىڭ 120-دان استام ۇلگىلەر مەن ماكەتتەرىن ورنالاستىردى.
ايتا كەتۋ ءجون, قوك وتاندىق كاسىپورىندار بۇل فورۋمعا ءۇشىنشى جىل قاتىسىپ, ەكسپورتتىق پوتەنتسيالى بار قارۋ-جاراق پەن اسكەري تەحنيكانىڭ جاڭا ۇلگىلەرىن ۇسىنۋدا.
ۇلتتىق كورمە ەكسپوزيتسياسىنا «كاە» جشس, «س.م. كيروۆ اتىنداعى زاۋىت» اق, «تىنىس» اق, «سەمەي ينجينيرينگ» اق, «كازسپەتسەكپورت» رمك, «405 اۆياجوندەۋ زاۋىتى» اق جانە قوك سالاسىنىڭ باسقا دا كومپانيالارى قاتىستى.
«كاە» جشس-ءتىڭ ەلەكتروندىق-وپتيكالىق ءونىمىن شىعاراتىن زاۋىتى كورمەدە تەپلوۆيزيالىق قۇرالدار ءۇشىن ينفراقىزىل لينزالاردى جانە راديوبايلانىستىڭ كاسىبي قۇرالدارىن ۇسىندى.
«س.م. كيروۆ اتىنداعى زاۋىت» اق امبەباپ پوليگون قۇرال-جابدىعىن كورسەتتى. ونىڭ قۇرامىندا ماقساتتى قوندىرعىلار, ءتورلى ولشەمدەگى ماقساتتار, باسقارۋ بلوكتار, سونداي-اق راديورەلەيلىك ستانتسيالار بولدى.
«سەمەي ينجينيرينگ» كاسىپورنى جاڭعىرتىلعان بروندالعان تانك تەحنيكاسى مەن كونۆەرسيوندى تەحنيكانىڭ ماكەتتەرىن, ونىڭ ىشىندە ت-72 تانكى, ءجاجم جانە بتر-80 نەگىزىندە جاسالعان جوندەۋ-ەۆاكۋاتسيالىق پەن بارلاۋ-باقىلاۋ ماشينالارىن ۇسىنعان.
«تىنىس» اق «اسكەر-2018» فورۋمىندا اۋە ونەركاسىبى ءۇشىن قۇرامداس بولشەكتەرىن جانە اسكەري امۋنيتسيانى: برونەجيلەت, بروندالعان جۇيەلەر, قورعانىش پليتالار, دۋلىعالار جانە باسقا دا ونىمدەرىن كورسەتتى.
فورۋم بارىسىندا قازاقستاندىق دەلەگاتسيا شەتەل ارىپتەستەرمەن بىرقاتار كەلىسسوزدەر وتكىزۋ جوسپارلاپ وتىر.
