ەلباسىنىڭ, ۇكىمەتتىك كوميسسيا مەن جەرگىلىكتى اكىمدىكتەر, قۇقىق قورعاۋشىلار مەن ادال نيەتتى ادامدارىنىڭ بىرىگە جۇمىس ىستەۋى ناتيجەسىندە جاڭاوزەندەگى جاعداي تۇراقتالىپ كەلەدى. قالانىڭ كومەندانتى, وبلىستىق ىشكى ىستەر دەپارتامەنتىنىڭ باستىعى, پوليتسيا پولكوۆنيگى ا.قابىلوۆتىڭ ايتۋىنشا, وتكەن كۇنى ءتارتىپ بۇزۋشىلىق فاكتىلەرى تىركەلمەپتى. كەشە تۇندە جۋرناليستەرگە پرەمەر-ءمينيستردىڭ ءبىرىنشى ورىنباسارى ءو.شوكەەۆ باسشىلىق ەتەتىن ۇكىمەتتىك كوميسسيا باسشىلارىنىڭ اتقارىلعان جۇمىستارى تانىستىرىلدى. ول ءمالىمەتتەر بويىنشا, بۇگىنگى تاڭدا قالاداعى ب ۇلىنشىلىككە ۇشىراعان شاعىن اۋداندارداعى ەلەكتر جۇيەلەرى, جىلۋ جانە سۋمەن قامتۋ جەلىلەرىندەگى اقاۋلار جويىلىپ, ىسكە قوسىلدى. ياعني, بارلىق ينجەنەرلىك ينفراقۇرىلىم نىساندارى كىدىرىسسىز, ءوز كەستەسىمەن جۇمىس ىستەۋدە. حالىق بانكىنىڭ قىزمەتكەرلەرى تولىق قۇرامدا ينكاسساتسيا قىزمەتىمەن بىرگە ءوز جۇمىسىن باستادى. اليانس بانك فيليالى بۇگىننەن باستاپ جۇمىس ىستەيدى. ەكىنشى دەڭگەيدەگى بانكتەر قىزمەتى جولعا قويىلۋى ءۇشىن نەگىزگى نىساندارداعى بانكوماتتار قايتادان قالپىنا كەلتىرىلۋدە. ءسويتىپ, تۇرعىنداردىڭ ءتيىستى اقشالارىن الىپ, ساۋدا جاساۋلارىنا مۇمكىندىك تۋعىزىلۋدا. قۇقىق قورعاۋ قىزمەتكەرلەرىنىڭ كومەگىمەن «وزەنمۇنايگاز» وندىرىستىك فيليالىنىڭ قىزمەتكەرلەرىن ءوندىرىس ورىندارىنا اپارىپ-اكەلۋ قاۋىپسىزدىگى جولعا قويىلۋى ءناتيجەسىندە جۇمىسقا شىققاندار سوڭعى كۇندە 81 پايىزعا ارتتى. ناۋبايحانالار مەن جەكەلەگەن ساۋدا ورىندارى تۇرعىندارعا قىزمەت كورسەتە باستادى. بۇل ىستە دە قۇقىق قورعاۋ ورگاندارىنىڭ كومەگى مەن حالىقتىڭ ىزگى نيەتتەرى بايقالادى.
تۇرعىنداردى ازىق-ت ۇلىكپەن قامتاماسىز ەتۋ دە نازاردا ۇستالىپ وتىر. بۇل رەتتە جىلجىمالى اۆتودۇكەندەر قىزمەتى ۇيىمداستىرىلىپ, قالا تۇرعىندارىنا ونداعان توننا ۇن, كۇرىش, قانت, كارتوپ, كوكونىستەر جەتكىزىلىپ ساتىلدى. ءۇش كۇننەن بەرى «كاسپي بەرەكەت» جشس-ءنىڭ التى دۇكەنى قالىپتى جۇمىس ىستەپ تۇر. ياعني, ازىق-ت ۇلىك تاپشىلىعى جوق.
قالانىڭ ب ۇلىنشىلىككە ۇشىراعان بولىكتەرىن, ورتالىق كوشەلەردى تازالاۋ, قالپىنا كەلتىرۋ دە باستالدى. وعان دا تۇرعىندار ءوز ۇلەستەرىن قوسۋدا.
كەشە وبلىس اكىمدىگىندە جاڭاوزەن قالاسى مەن شەتپە ستانساسىندا ورىن العان ءتارتىپسىزدىكتەرگە جانە سوعان وراي جۇزەگە اسۋداعى جۇيەلى جۇمىستار جايلى ءباسپاسوز ءماسليحاتى ۇيىمداستىرىلىپ, وندا ەلباسىنىڭ جاڭاوزەندە توتەنشە جاعداي جاريالاۋ تۋرالى شەشىمى تالاي ادامنىڭ ءومىرىن ساقتاپ قالعاندىعى اتاپ كورسەتىلىپ, ءو.شوكەەۆ باسقارعان ۇكىمەتتىك كوميسسيانىڭ حالىق اراسىندا جۇرگەندىگى, ىشكى ىستەر ءمينيسترى ق.قاسىموۆتىڭ جەتەكشىلىگىندەگى جەدەل-تەرگەۋ توبىنىڭ جۇمىسىنىڭ ناتيجەلى جۇرۋدە ەكەندىگى ايتىلدى. سونداي-اق حالىقتى سابىر ساقتاۋعا, پاراساتتىلىق تانىتۋعا شاقىردى. جازىقسىز جاپا شەككەن وتباسىلارعا, ازاماتتارعا ءتيىستى كومەك پەن قولداۋ كورسەتىلەتىندىگى جەتكىزىلدى.
قۇقىق قورعاۋ ورىندارىنىڭ مالىمەتى بويىنشا وتكەن تۇندە دە قوعامدىق ءتارتىپ بۇزۋشىلىق فاكتىسى بولعان جوق. ۋاقىتشا جاڭا ورىنعا ورنالاسقان قالالىق اكىمدىك, ونىڭ بولىمدەرى ءوز جۇمىستارىنا كىرىستى. تۇرمىستىق قىزمەت كورسەتۋشى قۇرىلىمدار جۇمىسى دا جولعا قويىلۋدا. قىسقاسى, قالانىڭ جاعدايى تۇراقتالىپ كەلەدى.
جولامان بوشالاق.
ماڭعىستاۋ وبلىسى.
