Sputnik وزبەكستان باسىلىمىنىڭ جازۋىنشا, اپات 20 تامىز كۇنى تاڭعى 9-30 شاماسىندا قاراسۋ-بۋكا-بەكاباد جولىندا بولعان.
«Damas ماركاسى كولىگىنىڭ جۇرگىزۋشىسى بەكابادا اۋدانىنا قاراي جولعا شىققان. اياق استىنان كولىككە يە بولا الماي قالعان جۇرگىزۋشى قارسى بەتتە كەلە جاتقان ۇكىمەتتىك كورتەجگە سوقتىعىسىپ قالعان», دەلىنگەن پروكۋراتۋرانىڭ ءباسپاسوز قىزمەتى تاراتقان حابارلاماسىندا.
اپاتقا ۇشىراعاندارعا مەديتسينالىق كومەك كورسەتىلىپ, اۋرۋحاناعا جەتكىزىلدى. قازىرگى ۋاقىتتا باس پروكۋراتۋرا تاراپىنان قاجەتتى تەكسەرىس جۇمىستارى جۇرگىزىلىپ جاتىر. سوڭعى مالىمەتتەرگە سۇيەنسەك, ايتارلىقتاي اۋىر جاراقات الماعان پرەمەر-مينيستر جۇمىسىنا ورالعان.
