ءتىل – تاۋەلسىزدىكتىڭ ءبىر تۇعىرى

تاۋەلسىزدىك تۋرالى باي­ىپ­تى دا تەرەڭ اڭگىمە جالعاسا بەرمەك. دەگەنمەن, ەلباسى سوزىنەن العان العاشقى اسەردى ءبىر اۋىز سوزبەن جەتكىزە كەتكىم كەلەدى. ول – بىرلىك پەن ىنتىماقتى تۋ ەتكەن ەلدىڭ «بۇگىننەن نۇرلى, بۇگىننەن كەمەل بولاشاعى» مەن ۇلى ماقساتتاردى ال­دىنا قويعان ۇلت­تىڭ جارقىن كەلەشەگىنە دەگەن سەنىمدىلىك! تاۋەلسىز قا­زاق­ستاننىڭ ەكونو­مي­كاسىمەن بىرگە ۇلى رۋحاني قۇندى­لىق­تارى – ءتىل, ءما­دە­نيەت, ءبىلىم مەن عىلىم دا جاڭا كەزەڭدە ورلەۋ مەن دامۋدىڭ جاڭا ساتىسىنا كوتەرىلەتىنىنە كۇمان جوق. ول سەنىمگە ارقاۋ ەلباسى ءسوزى – «دۇنيەدە قازاق دەگەن ەل باردا قازاق ءتىلى ماڭگى جاساي بەرەدى!!» بۇگىندە قازاق ءتىلى ەل حالقىن بىرىكتىرۋشى باستى فاكتور رەتىندە قازاقستاندىق قوعامدا ءوزىنىڭ مەم­لەكەتتىك مارتەبەسىنە ساي قول­دانىلا باستادى. ەلباسى اتاپ وتكەندەي, «قازاق ءتىلى – تۇتاس ۇلىستىڭ ورتاق تىلىنە اي­نالدى». بۇل – تاۋەلسىزدىكتىڭ باستى جەتىستىگى. ويتكەنى, تاۋەل­سىزدىكپەن بىرگە قايتا تۇلەگەن تىلمەن بىرگە, ۇلتتىق سانامىز تۇلەدى. ال الدا اتقارىلار ءىس بۇدان دا اۋقىمدى. ەندىگى مىندەت – قازاق ءتىلىنىڭ مەملەكەتتىك ءتىل رەتىندەگى قوعامدا تولىق قولدانىلۋىنا قول جەتكىزۋ باعىتىندا ءتيىستى مەملەكەتتىك ورگاندار مەن قوعامدىق ۇيىم, بىرلەستىكتەر اراسىنداعى بىرلەسكەن جۇمىستى جاڭا ساپالىق دەڭ­گەيگە كوتەرۋ, ۇلتتىق مۇددەگە قىزمەت ەتەتىن ۇلتتىق يدەيانى تەرەڭدەتۋ, «ساننىڭ ارتۋى مەن سانانىڭ ورنىعۋىنا» باستاي­تىن تىڭ قادامدار جاساۋ. سو­نىمەن بىرگە, قازاق ءتىلىن ازات ەلدىڭ حالىقارالىق دەڭگەيدەگى باسەكەگە قابىلەتتى, تاۋەلسىز ءتىلى ەتۋ جولىندا بارلىق قازاق­ستاندىقتاردىڭ جۇمىلا ەڭبەك ەتۋى, ءار الاش بالاسىنىڭ «ۇلت ءۇشىن دەگەن ۇلى ىسكە» (ا.بايتۇرسىن ۇلى) ءۇن قوسۋى شارت. ەرىنە سۇيەۋ بولار ەلىمىز, ەلىنە تىرەۋ بولار ەرىمىز امان بولسا, تاۋەلسىزدىك تۇعىرى تۋعان ءتىلىمىز دە ماڭگى جاسايتىنى ءسوزسىز. بولات جەكسەنعاليەۆ, حالىقارالىق «قازاق ءتىلى» قوعامى» قوعامدىق بىرلەستىگى باتىس قازاقستان وبلىستىق فيليالى باسقارماسىنىڭ توراعاسى, «اعارتۋشى» مەملەكەتتىك ءتىلدى وقىتۋ ورتالىعىنىڭ ديرەكتورى.