«تRT» تەلەراديوكورپوراتسياسى – بىرنەشە راديوستانسالاردىڭ نەگىزىندە 1964 جىلى قۇرىلعان. بۇگىنگى تاڭدا كورپوراتسياعا ونداعان حالىقارالىق جانە ايماقتىق تەلە جانە راديوارنالار كىرەدى. كوپتەگەن ەلدەردە وكىلدىگى بار كورپوراتسيانىڭ بولىمشەسى قازاقستاندا دا اشىلعان.
– ءبىزدىڭ كورپوراتسياعا تيەسىلى «ترت اvaz» تەلەارناسىندا اپتاسىنا ءبىر رەت تۇركىتىلدەس ەلدەردىڭ كينولارىن كورسەتۋدى جوسپارلاپ وتىرمىز. وسى ورايدا, ءبىز «قازاقفيلمگە» كەلىپ, شىعارماشىلىق بايلانىس جاساۋدى ۇسىندىق. ويتكەنى بۇل كينوستۋديا قازاقستانداعى باستى جانە ءتۇرلى جانرداعى ساپالى كينو ءوندىرۋشى ستۋديا. بۇگىنگى ءبىزدىڭ ماقساتىمىز سىزدەردىڭ فيلمدەرىڭىزبەن تانىسىپ, قازاق حالقىنىڭ تاريحى مەن مادەنيەتىن كورسەتەتىن تۋىندىلاردى تاڭداپ الۋ, – دەدى كەزدەسۋ بارىسىندا ابدۋلحاميت اۆشار.
ءوز كەزەگىندە «قازاقفيلم» كينوستۋدياسىنىڭ اۋديوۆيزۋالدى جوبالار باسشىسى ولجاباي مۇسابەكوۆ كينوستۋديا وندىرگەن فيلمدەر كاتولوگىن بەرۋگە دايىن ەكەنىن جەتكىزدى.
– 2009 جىلعا دەيىن تۇسىرىلگەن فيلمدەر تاسپادا ساقتالعان. الايدا قازاق عىلىمي-زەرتتەۋ مادەنيەت ينستيتۋتىنىڭ كومەگىمەن ساندىق جۇيەگە ەنگىزدىك. ەسكى جانە جاڭا فيلمدەردى سىزدەرگە قاجەتتى فورماتتا بەرۋگە دايىنبىز.
كەزدەسۋ بارىسىندا تۇركيالىق قوناققا كينوستۋديا بويىنشا ەكسكۋرسيا جۇرگىزىلىپ, «قازاقفيلمنىڭ» كينووندىرىستىك مۇمكىندىگى مەن تەحنيكالىق جابدىعى تانىستىرىلدى.
تۇرىك تەلەراديوكومپانياسى نەمەسە تۇرىك راديو جانە تەلەۆيزياسى قورى ء(تۇر. Türkiye Radyo Televizyon Kurumu), سونداي-اق, TRT – تۇرىك مەملەكەتتىك تەلەراديوكومپانياسى رەتىندە دە تانىمال. اتالمىش كورپوراتسياعا ونداعان سالالىق تەلەارنا جانە بىرنەشە ايماقتىق, حالىقارالىق راديوستانسالار كىرەدى. بۇگىنگى تاڭدا TRT الەمنىڭ 30 تىلىندە حابار تاراتادى. TRT – ەۋروپالىق حابارلاۋ كەڭەسىنىڭ مۇشەسى جانە Euronews اكتسيونەرى.
ايگۇل احانبايقىزى,
«ەگەمەن قازاقستان»
