جيىنعا دەنساۋلىق ساقتاۋ سالاسىنىڭ ماماندارى مەن قوعامدىق بىرلەستىكتەردىڭ وكىلدەرى قاتىستى. سونىمەن قاتار دەنساۋلىق ساقتاۋ ءمينيسترىنىڭ مىندەتىن اتقارۋشى الەكسەي تسويعا ءوزىنىڭ ماسەلەسىن جەتكىزۋ ءۇشىن وڭىرلەردەگى تۇرعىندار بەينەكونفەرەنتسبايلانىس ارقىلى قوسىلىپ, تالاپ ارىزدارىن جەتكىزدى.
سولاردىڭ قاتارىندا جامبىل وبلىسى, تۇرار رىسقۇلوۆ اۋدانىنان تىكەلەي بايلانىسقا شىققان اسحات فايزۋللين جاڭا تۋعان بالاسىنىڭ ولىمىنە قاتىستى ت.رىسقۇلوۆ اتىنداعى اۋداندىق اۋرۋحانا دارىگەرلەرىنىڭ ۇستىنەن شاعىم ايتتى.
تۇرار رىسقۇلوۆ اۋدانىنىڭ تۇرعىنىنىڭ شاعىمىن تىڭداعان ا.تسوي اتالعان ماسەلە بويىنشا دەنساۋلىق ساقتاۋ مينيسترلىگىنە ارىز كەلىپ تۇسكەنىن مالىمدەدى. سونداي-اق قوعامدىق دەنساۋلىق ساقتاۋ كوميتەتىنىڭ وكىلى وسى ءىس بويىنشا جوسپاردان تىس تەكسەرىس جۇمىستارى جۇرگىزىلىپ جاتقانىن, تەكسەرىس كوميسسياسىنىڭ قۇرامىندا تاۋەلسىز ساراپشىلاردىڭ بار ەكەنىن جانە ولار ءىستى اياقتاعان سوڭ اسحات فايزۋللينگە حابار بەرەتىندىكتەرىن جەتكىزدى.
رەسپۋبليكالىق قوعامدىق قابىلداۋ بولمەسىندە بەينەبايلانىستان بولەك, استانا, كوكشەتاۋ, اتىراۋ قالاسىنىڭ تۇرعىندارى دەنساۋلىق ساقتاۋ ءمينيسترىنىڭ مىندەتىن اتقارۋشى ا.تسويمەن بەتپە-بەت جولىعىپ, ءوز وتىنىشتەرى مەن ارىزشاعىمدارىن تىكەلەي ايتۋعا مۇمكىندىك الدى. الەكسەي تسوي قابىلداۋعا كەلگەن بارلىق تۇرعىننىڭ ماسەلەلەرىن تىڭداپ, الداعى ۋاقىتتا ءتيىستى جۇمىستار جۇرگىزىلەتىنىن ايتتى.
راۋان قايدار,
«ەگەمەن قازاقستان»
