ەمبىگە گاز بەرىلدى, مەشىت اشىلدى

مۇعالجار اۋدانىنداعى ەمبى قالاسىنا گاز قۇبىرىن تارتۋ بۇ­دان بەس جىل بۇرىن باستالعان-دى. قارجى جاعدايىنا بايلا­نىس­تى ءبىر عانا گاز ءبولۋ پۋنكتى ىسكە قوسىلىپ, وسىنداعى بىرنەشە الەۋمەتتىك نىساندار عانا كوگىل­دىر وتىن يگىلىگىن كورىپ كەلگەن-ءدى. گاز قۇبىرى قالاعا كەلگەنىمەن تۇرعىن ۇيلەرگە تولىقتاي كوگىل­دىر وتىن بەرۋدىڭ ءساتى تاۋەل­سىز­دىكتىڭ 20 جىلدىعى قارساڭىندا عانا ءتۇستى. ەمبى قالاسىنا گاز ءبولۋ جۇيەسىن جۇرگىزۋگە جانە جەم قالاسىنا گاز قۇبىرىن تار­تۋ­عا وبلىستىق بيۋدجەتتەن 370,2 ميلليون تەڭگە قارجى ءبولىنىپ, ول تولىق يگەرىلدى. قولسوزىم جەرگە كەلىپ تۇرعان كوگىلدىر وتىنعا كوز­دەرىن ساتقان ەمبىلىكتەردىڭ قۋا­نىشىندا شەك جوق. قالا بويىن­­شا سالىنعان 12 گاز ءبولۋ پۋنكت­تەرى قۇرىلىسى اياقتالىپ, ەندى تۇرعىن ۇيلەرگە كىرگىزۋ جۇمىس­تا­رى قارقىندى جۇرگىزىلىپ جاتىر. ەمبى قالاسىنا كوگىلدىر وتىن بەرۋ سالتاناتىنا قا­لالىقتار تاي­لى-تۇياعى قالماي جينالدى. «سا­باق­تى ينە ساتىمەن» دەگەندەي مۇن­داي قۋانىشتىڭ ەل تاۋەلسىز­دى­گىنىڭ 20 جىلدىق مەرەي­تويىمەن تۇسپا-تۇس كەلۋىن جاقسى­لىققا بالاپ جاتتى ولار. وسى سالتاناتتى شاراعا ارنايى اتباسىن تىرەگەن وبلىس اكىمى ارحيمەد مۇ­حامبەتوۆ جينالعانداردى قۋانىش­تى ساتپەن قۇتتىقتاي كەلىپ, ەلباسى نۇر­سۇل­تان نازارباەۆتىڭ دانا دا كورە­گەن­دىك ساياساتىنىڭ ارقاسىندا ەلىمىز­دىڭ ەكونوميكالىق-ساياسي جۇيە­­سىن قالىپتاستىرۋدا ەلەۋلى دامۋعا قول جەتكەنىنە, تاۋەلسىز­دىكتىڭ 20 جىلى ىشىندە حالىقتىڭ ءال-اۋقا­تىن جاق­سار­تۋ باعىتىندا قىرۋار جۇ­مىستار اتقارىلعانىنا توق­تالدى. سالتانتتى ساتتە ءسوز العان ەڭ­بەك ارداگەرى عايبول يساەۆ, قالا­لىق جاستار ۇيىمىنىڭ مۇشەسى ورىن­گۇل بوكەەۆا جانە باسقالار وسىنداي يگىلىكتى ءىس ءۇشىن ەلباسىنا جانە وبلىس باسشىلىعىنا ريزا­شى­لىقتارىن ءبىلدىردى. حالىق ريزا بولسا, ريزا بول­عان­داي شارۋا تىندىرىلدى. قالاداعى 3214 ءۇيدىڭ تۇرعىندارى ەندى قولدا­رىن جىلى سۋعا مالىپ وتىراتىن بولدى. تۇرعىندار توننالاپ قىم­بات كومىر تۇسىرۋدەن, بۇرقىراتىپ كۇل شىعارۋدان قۇتىلدى. قازىردىڭ وزىندە 370 ءۇي جانە 17 الەۋمەتتىك جانە وندىرىستىك نىسان كوگىلدىر وتى­ننىڭ قىزىعىن كورىپ وتىر. گاز ءبولۋ پۋنكتتەرىنىڭ قۇرىلىس جۇ­مىس­تارىن جۇرگىزگەن «مكستروي سەر­ۆيس» جشس-ىنە دە حالىقتىڭ العىسى شەكسىز. ءوڭىر باسشىسى قالا تۇرعىنى ەدىل احمەتوۆتىڭ ۇيىنە كىرىپ, گازدىڭ يگىلىگىن كورىپ وتىرعانىنا كوز جەتكىزدى. سودان كەيىن وبلىس اكىمى ارحيمەد مۇحامبەتوۆ وسىنداعى «نۇر» مەشىتىنىڭ تۇساۋكەسەرىنە قاتىستى. جاڭا مەشىتتىڭ اشى­لۋى­­نا جينالعان جاماعاتتى يمان­دىلىق ءۇيىنىڭ پايدالانۋعا بەرىلۋىمەن قۇتتىقتاعان اكىم يسلام­نىڭ بىرلىكتىڭ, تاتۋلىقتىڭ ءدىنى ەكەنىنە توقتالدى, جاستاردى يمان­­دى­لىققا تاربيەلەۋگە شاقىر­دى. مەشىت يمامى ءادىلجان بەكباۋوۆ­قا جەڭىل اۆتوكولىكتىڭ كىلتىن ۇس­تات­تى. مەشىتتە ءبىر مەزگىلدە 400 ادام نامازعا تۇرا الادى. مۇندا ناماز وقيتىن, ساۋات اشۋ بولمە­لەرى بار. عيماراتقا جىلۋ, سۋ, ەلەكتر جانە كارىز جۇيەسى جۇرگى­زىل­گەن. قوس بىردەي قۋانىشقا ءبو­لەن­گەن ەمبىلىكتەر كوڭىلدەرى كوتە­رىڭكى, جۇزدەرى جارقىن. ساتىبالدى ءساۋىرباي. اقتوبە وبلىسى.