بيىلعى بايقاۋدا تانىمال كاسىپورىندارمەن قاتار جاڭا تاۋار وندىرۋشىلەردىڭ دە ونىمىمەن تانىسۋعا بولادى. كورمەگە كەلۋشىلەر جەرگىلىكتى ونىممەن تانىسىپ قانا قويماي, ۇناعان بۇيىمىن ساتىپ الىپ, كونتسەرتتىك باعدارلامانى تاماشالايدى.
«قازاقستاننىڭ ۇزدىك تاۋارى» كورمە-بايقاۋى ءۇش اتالىم بويىنشا وتەدى: «وندىرىستىك ماقساتتاعى ۇزدىك تاۋار», «حالىققا ارنالعان ۇزدىك تاۋار», «ۇزدىك ازىق-ت ۇلىك تاۋارى». ساراپشىلاردان قۇرالعان كوميسسيا ءار اتالىم بويىنشا 3 جەڭىمپازدى انىقتايدى. ناتيجەسىندە 9 تاۋار ءوندىرۋشى ماڭعىستاۋ وبلىسى اتىنان استانادا وتەتىن رەسپۋبليكالىق بايقاۋدا باق سىنايدى.
«قازاقستاننىڭ ۇزدىك تاۋارى»- ۇلتتىق برەند دەڭگەيىنە كوتەرىلگەن بەدەلدى شارا. سوندىقتان دا بايقاۋعا قاتىسۋ – كاسىپورىنداردىڭ ءوزىن تانىتۋعا, تاۋارىن جارنامالاۋعا, تۇتىنۋشى قاتارىن ارتتىرۋعا زور مۇمكىندىك بولىپ سانالادى. سونىمەن قاتار جاڭا سەرىكتەس تابۋعا, بيزنەستىڭ جاڭا باعىتىن اشۋعا دا سەپ بولماق.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
