تالاپكەرلەردەن بارلىعى 325 ءوتىنىش قابىلدانىپ, كوميسسيا وتىرىسىنىڭ قورىتىندىسى بويىنشا 230 ۇزدىك تالاپكەردىڭ وتىنىشتەرى قاناعاتتاندىرىلدى.
ونىڭ 149-ى پەداگوگيكالىق جəنە 56-ءسى مەديتسينالىق, 9-ى اگرارلىق اۋىلشارۋاشىلىق, 2-ءى جەڭىل ونەركاسىپ بۇيىمدارىنىڭ تەحنولوگياسى مەن ديزاينى, سونداي-اق, 14-ءى اۆتوماتتاندىرۋ جانە باسقارۋ ماماندىقتارى.
بۇدان بولەك, 16 ستۋدەنت "وڭىرلىك ەكونوميكالىق دامۋ باعدارلاماسى" مەن "جەردى پايدالانۋ باسقارماسىنىڭ" شەڭبەرىندە ءبىلىم گرانتتارىنا يە بولدى.
-جەرگىلىكتى بيۋدجەت ەسەبىنەن وقۋ مۇمكىندىگىنە يە بولعان جاستار ۇزدىك بولۋى ءتيىس, ويتكەنى ولار كەيىن وڭىرىمىزدە ەڭبەك ەتەتىن بولادى. ءبىز تالاپكەرلەردى ەگجەي-تەگجەيلى ىرىكتەپ الىپ وتىرمىز, ءاربىر گرانتتى مەملەكەت بەلگىلى ءبىر ماقساتپەن ءبولىپ وتىر. جوعارى وقۋ ورىندارىن بىتىرگەننەن كەيىن تۇلەكتەر ماماندىعى بويىنشا جۇمىسقا ورنالاسادى. وسىلايشا اتالعان سالاداعى مامان تاپشىلىعىن جوياتىن بولامىز,- دەپ اتاپ كورسەتتى نۇرلان نوعاەۆ.
ايتا كەتەيىك, 2017 جىلى اتىراۋ وبلىسىنىڭ اكىمدىگى 222 ءبىلىم بەرۋ گرانتىن ءبولدى. ولاردىڭ 178-ءى پەداگوگيكالىق, 35-ءى مەديتسينالىق جانە 9-ى ۆەتەرينارلىق ماماندىقتارعا بولىنگەن بولاتىن.
مەملەكەت ەسەبىنەن وقىعان ستۋدەنتتەر وقۋىن بىتىرگەننەن كەيىن اتىراۋ وبلىسىنىڭ اۋماعىندا ماماندىعى بويىنشا جۇمىس جاسايدى.
