ايماقتار • 15 تامىز، 2018

اقتوبە وڭىرىندە ەگىن ورۋ باستالدى

376 رەتكورسەتىلدى

ءار جىلداعى ەگىن وراعىنىڭ وزىنە ءتان ەرەكشەلىگى بولماي قالمايدى. بيىلعى وزگەشەلىك – اۋا رايىنىڭ سالقىندىعى مەن قولايسىزدىعى، ۇزدىكسىز جاۋعان جاۋىننىڭ سالدارىنان كوكتەمگى ەگىس جۇمىستارىنىڭ الدىڭعى جىلدارمەن سالىس­تىرعاندا ءبىر-ەكى اپتاعا كەش باستالعاندىعى. سونداي-اق بيىل اقتوبە وڭىرىندە ءداندى داقىلدار القابىنىڭ كولەمى اجەپتاۋىر ۇلعايىپ، 700 مىڭ گەكتارعا جەتتى.

اقتوبەلىك ديقاندار العا قوي­عان ماق­سات­تارىنا قول جەتكىزە الا ما؟ بۇل ساۋالعا ازىرشە ناق­تى جاۋاپ قايتارۋ ەرتەرەك. ويت­كەنى وڭىر­دەگى ەگىن القاپتارى­نىڭ باسىم بولىگىندە بيداي ماساقتارىنىڭ داندەنۋى مەن تولىسۋ كەزەڭى ەندى عانا اياقتالىپ كەلەدى. سو­عان قاراماستان قازىرگى كۇنى ال­قاپتاردا كۇزدىك بيداي مەن ارپانى ورۋ جۇمىستارى باستالىپ كەتتى. اتاپ ايتقاندا، قوبدا، مارتوك، مۇعالجار جانە تەمىر اۋدانىنىڭ اگرارشىلارى 20 مىڭ گەكتاردان استام ەگىستىكتىڭ ءونىمىن ورىپ ۇلگەردى. مۇنداعى ونىمدىلىك ءار گەكتارعا شاققاندا 7،5 تسەنتنەردى قۇرايدى. سۋارمالى ەگىستىك بولماعاندىقتان مۇنى تومەن كورسەتكىش دەۋگە بولماس. مۇنداي جاعدايدا بيدايدىڭ قۇرامىنداعى قامىرلىلىق مول­شەرى جوعارى بولادى دەپ تۇ­جى­رىمدايدى اگرارشى عالىمدار. 

الداعى كۇندەردە اي­ماق­تا جاپپاي ەگىن وراعى ناۋ­قانى قارقىن الادى دەپ كۇتى­لۋدە. قازىرگى كۇنى وعان قاجەت­تى اۋىل­شا­رۋا­شىلىق تەحنيكا­لارى­نىڭ 98 پروتسەنتى جاۋاپتى كەزەڭدى ويداعىداي وتكىزۋ ءۇشىن ساقاداي ساي. سونداي-اق ديقان­داردى جانار-جاعارمايمەن قامتا­ماسىز ەتۋ ىسىندە دە ايتا قال­ارلىق­تاي كەدەرگىلەر جوق. ويت­كەنى وتكەن شىلدە ايىندا اۋىل شارۋا­شىلىعى مينيسترلىگى وبلىستاعى ەگىن ورۋ ناۋقانىن قالىپتى جاع­دايدا جۇرگىزۋ ءۇشىن 8،5 مىڭ توننا ديزەلدىك وتىندى جەڭىلدەتىلگەن باعامەن ءبولىپتى. ءليترىنىڭ باعاسى − 162 تەڭگە. نارىقتا باعا 182 تەڭگە ەكەنىن ەسكەرسەك، مۇنىڭ ءوزى استىق وسىرۋ­شى­لەر ءۇشىن اجەپتاۋىر كومەك بولىپ شىعادى. ياعني بۇل جەڭىل­دە­تىلگەن وتىن 11 پروتسەنتكە ارزان. 

قازىر ديزەلدىك وتىننىڭ تەڭ جارتىسىنان استامى وبلىسقا جەتكىزىلگەن. سونداي-اق بىرقاتار بولىگى اۋىلشارۋاشىلىق تاۋا­رىن وندىرۋشىلەرگە ءبولىندى. بۇگىندە وبلىستا اۋا رايى ەگىس ورۋ ناۋقانىن كىدىرىسسىز جۇرگىزۋگە قولايلى. وسى مۇمكىندىكتى بوس جىبەرمەۋگە استىق وسىرۋشىلەر ءبىر كىسىدەي جۇمىلىپ وتىر. 

تاعى ءبىر ايتايىن دەگەنىمىز، وڭىردە سوناۋ كەڭەستىك كەزەڭدە سالىنعان ەلەۆاتورلار مەن استىق ساقتاۋ قويمالارىنىڭ ءبىرازى كەيىنگى كەزدە يەسىز قالعانى، ەندى ءبىرازى ەسكىرگەنى جاسىرىن ەمەس. سوعان قاراماستان وبلىستا 2018 جىلدىڭ ءونىمىن ساقتاۋعا قاجەتتى بارلىق شارالار جاسالعان. مۇندا التى قامباعا استىق قابىلداۋ ءۇشىن ارنايى ليتسەنزيا بەرىلگەن. ونىڭ سىرتىندا وبلىستاعى كوپتەگەن جاۋاپكەرشىلىگى شەكتەۋلى سەرىك­تەستىكتەر مەن اگروفيرمالاردا وزدەرىنىڭ استىق ساقتاۋ ورىندارى بار ەكەنىن ەسكەرسەك بۇل ىستە كىدىرىس بولماۋعا ءتيىس. 

تەمىر قۇسايىن،

«ەگەمەن قازاقستان»

سوڭعى جاڭالىقتار

ەڭبەكاقى كولەمىن ۇلعايتتى

ايماقتار • بۇگىن، 07:26

بابىر بابا شاپانى

تانىم • بۇگىن، 07:23

ولار ەشكىمنەن كەم ەمەس

رۋحانيات • بۇگىن، 07:18

جالعىز قولمەن جيھاز جاسايدى

ايماقتار • بۇگىن، 07:17

زاماناۋي كارىز جۇيەلەرى كەرەك

ايماقتار • بۇگىن، 07:13

سەرگەلدەڭگە سالعان سەرتيفيكات

ايماقتار • بۇگىن، 07:02

سازگەردىڭ «ماڭگى كوكتەمى»

تانىم • بۇگىن، 06:58

ەر قازاق ەدى ەراعا

تانىم • بۇگىن، 06:56

ەلىمىزدەگى ەڭ الىپ كىتاپ

ايماقتار • بۇگىن، 06:55

تاعايىنداۋ

پرەزيدەنت • بۇگىن، 06:50

جۇرت تىلەگى نازارعا الىندى

ايماقتار • بۇگىن، 06:24

ۇقساس جاڭالىقتار