كەزدەسۋدە «دينامو» «استانادان» 1:0 ەسەبىمەن باسىم ءتۇستى. «استانا» ەندى ەۋروپا ليگاسىنىڭ پلەي-وفف ساتىسىنا وينايدى. ول ويىندار 23 جانە 30 تامىز كۇندەرى بولادى. ال «دينامو» چەمپيندار ليگاسى پلەي-وفف ساتىسىندا شۆەيتساريانىڭ «يانگ بويز» كلۋبىمەن 22 جانە 29 تامىز كۇندەرى كەزدەسەدى. ەستەرىڭىزگە سالا كەتەلىك, «استانا» العاشقى ىرىكتەۋ كەزەڭىندە ءوز الاڭىندا چەرنوگوريانىڭ «سۋتەسكاسىن» 1:0 ەسەبىمەن جەڭىپ , سىرت الاڭدا 2:0 ەسەبىمەن باسىم ءتۇستى. ودان كەيىن ەكىنشى ىرىكتەۋ كەزەڭىندە ولار دانيانىڭ «ميدتيۋللاند» كلۋبىن (2:1, 0:0) تىزە بۇكتىردى . ەندى 16 تامىزدا ەۋروپا ليگاسى ءۇشىنشى ىرىكتەۋ كەزەڭىنىڭ قارىمتا ويىندارى بولادى. اتالمىش باسەكەگە قاتىسىپ جاتقان الماتىنىڭ «قايراتى» ءوز الاڭىندا چەحيانىڭ «سيگما» كومانداسىن قابىلدايدى. العاشقى كەزدەسۋدە چەحتار 2:0 ەسەبىمەن باسىم تۇسكەن ەدى.
