جيىنعا دەنساۋلىق ساقتاۋ مينيسترلىگى قوعامدىق دەنساۋلىق ساقتاۋ كوميتەتىنىڭ توراعاسى –باس مەملەكەتتىك سانيتارلىق دارىگەر جانداربەك بەكشين, ءبىلىم جانە عىلىم مينيسترلىگى عىلىم كوميتەتىنىڭ «ۇلتتىق بيوتەحنولوگيا ورتالىعى» رەسپۋبليكالىق مەملەكەتتىك كاسىپورنى الماتى قالالىق فيليالىنىڭ ديرەكتورى سەيدىعاپبار ماماداليەۆ, اۋىل شارۋاشىلىعى مينيسترلىگى ۆەتەرينارلىق باقىلاۋ جانە قاداعالاۋ كوميتەتى توراعاسىنىڭ ورىنباسارى تۇرسىن قابدۋلدانوۆ, ينۆەستيتسيالار جانە دامۋ مينيسترلىگى گەولوگيا جانە جەر قويناۋىن پايدالانۋ كوميتەتى توراعاسىنىڭ ورىنباسارى تالعات ساتيەۆ قاتىستى.
ۇكىمەتتىڭ 2018 جىلعى 13 ساۋىردەگى قاۋلىسىمەن «ۆوزروجدەنيە» ارالىنىڭ قازاقستاندىق بولىگىندە جانە ارال تەڭىزىنە ىرگەلەس قۇرلىق اۋماعىندا ەپيدەميولوگيالىق سالاماتتىلىقتى قامتاماسىز ەتۋ جانە مونيتورينگ جۇرگىزۋ جونىندەگى 2018-2020 جىلدارعا ارنالعان ءىس-شارالار جوسپارى بەكىتىلگەن.
«بۇگىنگى ماسەلە وتە وزەكتى دەپ ايتۋعا بولادى. بۇل ەلىمىزدىڭ بيولوگيالىق قاۋىپسىزدىگى جانە قازىرگى تاڭداعى «ۆوزروجدەنيە» ارالىنىڭ جاعدايى. ارينە بۇل ماسەلەگە قازىر ۇكىمەت تاراپىنان ۇلكەن ءمان بەرىلىپ, نازار اۋدارىلىپ جاتىر. مەملەكەتتىك ورگاندار دا بۇل ماسەلەمەن اينالىسىپ, ءۇش جىلعا ارنالعان جوسپار دايىندادىق. اتالعان جوسپاردى ىسكە اسىرۋعا 11 مەملەكەتتىك ورگان تارتىلعان. شارۋاشىلىق قاجەتتىلىكتەرىن جانە ونەركاسىپتىك وڭدەۋلەردى جۇزەگە اسىرۋعا قاجەتتى جاعدايلاردى قامتاماسىز ەتۋ ءۇشىن ارالداعى سانيتارلىق-ەپيدەميولوگيالىق جاعدايدى زەردەلەۋ قاجەت. بۇرىن 2003-2005 جىلدارى دەنساۋلىق ساقتاۋ مينيسترلىگىنىڭ م.ايقىمباەۆ اتىنداعى قازاق كاراتيندىك جانە زوونوزدىق ينفەكتسيالار عىلىمي ورتالىعى (قكزيعو) ارالدا زەردەلەۋ جۇرگىزدى جانە 1802 توپىراق سىناماسىن, 2101 جىلى قاندى جانۋارلار مەن 8286 ولاردىڭ ەكتوپارازيتتەرىن (بۇرگە مەن كەنە) زەرتتەدى. زەرتتەۋ بارىسىندا «ۆوزروجدەنيە» ارالىنىڭ قازاقستاندىق بولىگىنىڭ ەپيدەميولوگيالىق (ينفەكتسيالىق) قاۋپى جوق ەكەندىگى تۋرالى ناتيجە الىندى», دەدى باس مەملەكەتتىك سانيتارلىق دارىگەر جانداربەك بەكشين.
«ۆوزروجدەنيە» ارالى ارال تەڭىزىندە, وزبەكستان جانە قازاقستان شەكارالارىنىڭ اياسىندا ورنالاسقان. ونىڭ اۋماعى شامامەن 200 شارشى كم, ونىڭ ىشىندە ارالدىڭ قازاقستاندىق بولىگى – 70 شارشى كم قازاقستان رەسپۋبليكاسىنىڭ ۇكىمەتى تاراپىنان ارالدىڭ قازاقستاندىق بولىگىن شارۋاشىلىق قاجەتتىلىكتەرگە پايدالانۋعا, سونداي-اق بولاشاقتا كومىرسۋتەك شيكىزاتى كەنىن وڭدەۋگە جارامدىلىعىن زەردەلەۋگە قاتىستى تاپسىرما بەرىلگەن.
«جالپى جوسپاردى ىسكە اسىرۋ بىرقاتار ءىس-شارالاردى قامتيدى. ولار: مەملەكەتتىك شەكارانىڭ قازاقستان – وزبەكستان ۋچاسكەسىن شەگەندەۋ جۇمىستارىن اياقتاۋ, گەولوگيالىق بارلاۋ, اۋىل شارۋاشىلىعى جانە وزگە دە ءىس-شارالاردىڭ ورىندىلىعى مەن كولەمىن ايقىنداۋ, «ۆوزروجدەنيە» ارالىنىڭ اۋماعىنا ىرگەلەس ارال ماڭى اۋداندارىندا بولىپ جاتقان وزگەرىستەردى انىقتاۋ ءۇشىن ولارداعى اسا قاۋىپتى جانە زوونوزدى ينفەكتسيالاردىڭ تابيعي وشاقتارىنا مونيتورينگ جۇرگىزۋ, ارال اۋماعىن زەرتتەۋ بويىنشا اقپارات الۋعا باعىتتالعان شەت ەلدەرمەن ءوزارا ءىس-قيمىلدى جانە كونسۋلتاتسيالاردى قامتاماسىز ەتۋ», دەدى ول.
راۋان قايدار,
«ەگەمەن قازاقستان»
