«رۋحاني جاڭعىرۋ» باعدارلاماسى اياسىندا جۇزەگە اسىرىلىپ جاتقان الەۋمەتتىك جوباعا وڭىردەگى ءىرى كاسىپورىن «قازتسينك» كومپانياسى مەن كۋرچاتوۆ قالاسىنداعى ۇلتتىق يادرولىق ورتالىق قوماقتى قارجى ءبولىپتى. ۇلتتىق يادرولىق ورتالىق ديرەكتورى ەرلان باتىربەكوۆ پەن كۋرچاتوۆ قالاسىنىڭ اكىمى الماس وڭداقانوۆ ەكى جاقتى مەموراندۋمعا قول قويىپتى.
قالا اكىمىنىڭ ورىنباسارى رۋسلان ءابدىراحمانوۆتىڭ ايتۋىنشا, باسسەين قۇرىلىسىنا «قازتسينك» كومپانياسى 45, ۇلتتىق يادرولىق ورتالىق 29 ميلليون تەڭگە قارجى اۋدارىپتى. ال كۋرچاتوۆ قالاسىنىڭ اكىمدىگى فيلترلىك قۇرىلعىلاردى ورناتۋعا 19 ميلليون تەڭگە كولەمىندە قارجى ءبولىپتى.
«مەملەكەتتىك-جەكە مەنشىك سەرىكتەستىك اياسىندا قولعا الىنعان اۋماعى 600 شارشى مەتر بولاتىن, ۇزىندىعى 25, ەندى 16 مەترلىك ءتورت جولاقتى جابىق باسسەين قۇرىلىسى ماۋسىم ايىندا باستالىپ كەتتى. باسسەين عيماراتىندا جۋىنۋ, كيىم اۋىستىرۋ بولمەلەرى, اكىمشىلىك زال سەكىلدى ورىندار قاراستىرىلعان. كۋرچاتوۆ تۇرعىندارىنا اسا قاجەت نىساندى جىل اياعىنا دەيىن اشۋدى جوسپارلاپ وتىرمىز», - دەيدى ول.
ازامات قاسىم,
«ەگەمەن قازاقستان»
شىعىس قازاقستان وبلىسى,
كۋرچاتوۆ قالاسى
