ەلشى موزەر قازاقستانمەن جاقسى تانىس. بۇعان دەيىن ول اقش-تىڭ الماتىداعى ديپلوماتيالىق ميسسياسىندا ەنەرگەتيكا جانە ەكونوميكا ماسەلەلەرى جونىندەگى اتتاشە رەتىندە جۇمىس ىستەگەن. موزەر ديپلوماتيالىق قىزمەتتەگى كارەراسىن 1984 جىلى باستاعان. اقش-تىڭ ۋكرايناداعى, قازاقستانداعى, ەگيپەتتەگى, سۋرينامداعى, ماليدەگى جانە مولدوۆاداعى ەلشىلىكتەرىندە قىزمەت اتقارعان. سوڭعى جىلدارى موزەر مەملەكەتتىك دەپارتامەنت باسقارماسى باستىعىنىڭ ءبىرىنشى ورىنباسارى لاۋازىمىندا اقش-تىڭ بۇكىل الەمدەگى ديپلوماتيالىق وكىلدىكتەرى عيماراتتارىن سالۋ جانە پايدالانۋ جونىندەگى جۇمىستاردى ىستەگەن. امەريكالىق ديپلومات سولتۇستىك كارولينا شتاتىندا تۋعان, جەرگىلىكتى ۋنيۆەرسيتەتتە ءبىلىم العان. ول ورىس, نەمىس, فرانتسۋز تىلدەرىن بىلەدى.
ەلشى كانديداتۋراسى ۇسىنىلعان سوڭ ونى اقش سەناتى بەكىتۋى قاجەت.
قازىرگى كەزدە قازاقستانداعى امەريكا قۇراما شتاتتارىنىڭ ەلشىسى قىزمەتىن دجوردج ا. كرول اتقارۋدا. دجوردج كرول بۇل لاۋازىمعا 2015 جىلى 8 قاڭتاردا تاعايىندالعان بولاتىن.
