الماتى قالاسى اكىمىنىڭ ءباسپاسوز قىزمەتىنىڭ مالىمەتتەرى بويىنشا, بۇگىندە اۆتوبۋس پاركىندە 1560 اۆتوبۋس ەسەپكە الىنعان. جىل اياعىنا دەيىن جاڭا قوعامدىق كولىكتەردىڭ ۇلەسىن 80% دەيىن جەتكىزۋ جوسپارلانىپ وتىر.
وتكەن جىلى قاتارعا قوسىلعان 479 اۆتوبۋستىڭ 80% جەرگىلىكتى بيۋدجەتتەن ساتىپ الىنسا, بيىلعى جىلى ىسكە قوسىلاتىن 569 اۆتوبۋستىڭ 65% جەكە كومپانيالاردان.
جەكە تاسىمالداۋشىلار «دۋمان ترانس» جشس №17 باعىتى بويىنشا ISUZU ماركاسىنداعى 15 اۆتوبۋستى, «ولجاس لتد» جشس №62 باعىتتا قىزمەت كورسەتۋ ۇقساس ماركالى اۆتوبۋستاردى, ال «تالاپ ت» جشس №57 باعىتتى كۇشەيتۋ ءۇشىن Yutong ماركالى 5 جاڭا اۆتوبۋس ساتىپ العان.
سوڭعى كەزدەرى تاسىمالداۋشى «Green Bus» كومپانياسىنىڭ اتىنا كوپ سىن ايتىلۋدا. تولەمدەردى قولما-قول جاساۋمەن قاتار, قىزمەت كورسەتۋ دەڭگەيى تومەن دەگەن پىكىرلەردى ءجيى ەستۋگە بولادى. قالا باسشىسى ەگەر تاسىمالداۋشىلار ءتيىستى دەڭگەيدە قىزمەت كورسەتپەيتىن بولسا, وندا قالا تاراپىنان قولداۋ بولمايتىندىعىن اتاپ ءوتتى. ءارى قىزمەت كورسەتۋ ساپاسى ءبىرىنشى كەزەكتە تۇرۋى قاجەت, دەدى. قازىرگى كەزدە تاسىمالداۋشى كومپانيالاردىڭ تولىق ەلەكتروندى بيلەتتەندىرۋگە كوشۋىنە وراي تابىستارىنىڭ اشىقتىعىن قامتاماسىز ەتىپ وتىر. ءارى تابىسىن جاسىرماعان كومپانيالارعا بانكتەر دە سەنىممەن قارايدى. ال بانك نەسيەلەرى بيزنەستىڭ دامۋىنا ۇلكەن قولداۋ.
ەلۆيرا سەرىكقىزى,
«ەگەمەن قازاقستان»
الماتى
