ءتيىستى حاتتاماعا قازاقستان رەسپۋبليكاسىنىڭ سىرتقى ىستەر ءمينيسترى قايرات ءابدىراحمانوۆ پەن تۇرىكمەنستاننىڭ مينيسترلەر كابينەتى توراعاسىنىڭ ورىنباسارى – سىرتقى ىستەر ءمينيسترى راشيد مەرەدوۆ قول قويدى.
قازاقستان مەن تۇرىكمەنستان اراسىنداعى ستراتەگيالىق ارىپتەستىك تۋرالى شارتقا 2017 جىلدىڭ 18 ساۋىرىندە استانادا پرەزيدەنتتەر نۇرسۇلتان نازارباەۆ پەن گۋربانگۋلى بەردىمۇحامەدوۆ قول قويدى. بۇل قۇجات ەكى ەل اراسىنداعى تەڭقۇقىلىق, ءوزارا سەنىم جانە جان-جاقتى ىنتىماقتاستىق نەگىزىندە ستراتەگيالىق ارىپتەستىك قاتىناستاردى ورناتادى, سونداي-اق ەكىجاقتى قارىم-قاتىناستاردى قازاقستان-تۇرىكمەنستان ىنتىماقتاستىعىنىڭ الەۋەتى مەن وزەكتى قاجەتتىلىكتەرىنە سايكەس ساپالى جاڭا دەڭگەيگە شىعارادى.
اتالعان شارت ءوزىنىڭ ەرەجەلەرىنە سايكەس ۇستىمىزدەگى جىلدىڭ 11 قىركۇيەگىندە كۇشىنە ەنەدى.
«ەگەمەن-اقپارات»
