ازيا چەمپيوناتىندا قازاقستان, گرۋزيا, وزبەكستان, ليتۆا, ۋكراينا تورەشىلەرى بولادى. سونىڭ ىشىندە ءۇش اربيتر استانا, الماتى جانە سەمەي قالالارىنان شاقىرىلىپ وتىر.
حالىقارالىق دارەجەدەگى تورەشى ماقسات احمەتبەكوۆتىڭ ايتۋىنشا قازاقستان اتىنان ازيا چەمپيوناتىندا سەگىز تورەشى جۇمىس ىستەيدى. ال قالعانى وزگە مەملەكەتتەردەن كەلەدى.
«مەن قاراعاندى وبلىسىنان كەلەيىن دەپ وتىرمىن. بارىنشا ءادىل تورەلىك ەتەمىز دەگەن ويدامىز. ءوزىم بىلتىر الەم چەمپيوناتىندا باس تورەشى بولدىم. قازاقستاندىق تورەشىلەردىڭ بىلىكتىلىگى جوعارى دەڭگەيدە. «قازاقستان بارىسىندا», قازاقستان چەمپيوناتىندا, ءىرى تۋرنيرلەردە تورەشىلىك جاساپ جۇرگەندەردىڭ اراسىنان ىرىكتەپ الدىق. ال شەتەلدىك تورەشىلەرگە ماستەر كلاسس وتكىزىلەتىن بولادى. ولاردى دا سىرتتا وتكەن جارىستاردان ىرىكتەپ الدىق», - دەدى ول.
قازاق كۇرەسىنەن چەمپيوناتقا 20 مەملەكەتتەن 80 سپورتشى قاتىسادى. جارىس 8 سالماقتىق دارەجە جانە ابسوليۋتتىك بويىنشا وتەدى.
قازىرگى تاڭدا ازيا چەمپيوناتىنا قاتىسۋعا جاپونيا, وزبەكستان, تاجىكستان, موڭعولييا, يران, پاكىستان مەن ءۇندىستان مەملەكەتتەرى وزدەرىنىڭ مىقتى دەگەن سپورتشىلارىن دايىنداپ وتىر.
قازاق كۇرەسىنەن ۇلتتىق قۇرامانىڭ باس باپكەرى ەرلان ەستەك قازاقستاندىق بالۋانداردىڭ دايىندىعى تۋرالى ايتىپ بەردى.
«ازيا چەمپيوناتىنا 9 سالماق دارەجەسىندە بالۋاندار قاتىسادى. تامىزدىڭ 12-نەن 24-ىنە دەيىن بۋراباي اۋدانىنداعى «جاقسى» سپورت كەشەنىندە وقۋ-جاتتىعۋ جيىنىندا بالالار تىڭعىلىقتى دايىندالادى. 25 تامىز كۇنى استانادا سالماق ولشەۋ ءراسىمى وتەدى. 26-سى كۇرەسەدى. بالۋانداردىڭ دايىندىعى وتە جاقسى. دايىندىقتىڭ ءبىرىنشى كەزەڭىن شىمكەنت قالاسىندا, ەكىنشى كەزەڭىن گرۋزيا مەملەكەتىندە وتكىزدىك. ءۇشىنشى كەزەڭ ەندى باستالادى», - دەپ ءسوزىن تۇيىندەدى ول.
ازيا چەمپيوناتى قازاقستان رەسپۋبليكاسىنىڭ مادەنيەت جانە سپورت مينيسترلىگى, استانا قالاسىنىڭ اكىمدىگى, سامرۇق قازىنا ءال اۋقات قورى, ERG ەۋرازيالىق توبىنىڭ قولداۋىمەن جۇزەگە اسۋدا. ۇيىمداستىرۋشىلارى “حالىقارالىق قازاق كۇرەسى فەدەراتسياسى” زتب.
ايتا كەتسەك, قازاق كۇرەسى (Qazaq kuresi) ۇلتتىق سپورت ءتۇرى عانا ەمەس, ول يۋنەسكو-نىڭ ماتەريالدى ەمەس مۇرالار تىزىمىنە كىرەدى. بىلتىر حالىقارالىق Qazaq kuresi فەدەراتسياسى قۇرىلىپ, قر ەنەرگەتيكا ءمينيسترى قانات بوزىمباەۆ فەدەراتسيا پرەزيدەنتى بولىپ سايلاندى. جىل سايىن وسى سپورت تۇرىنەن بىرنەشە حالىقارالىق جانە رەسپۋبليكالىق جارىستار وتەدى. سونىڭ ءبىرى 2017 جىلى وتكەن الەم چەمپيوناتىنا 40 ەلدەن 160 بالۋان قاتىستى.
