وسى سالانىڭ ۇزدىگى سانالاتىن يتالياندىق فوتوسۋرەتشى البەرتي دي ماۋرو, سونداي-اق قازاقستاندىق ەربولات شادراحوۆ پەن دميتري رۋگيس سولتۇستىكقازاقستاندىق اۋەسقوي فوتو سۋرەتشىلەرمەن كەزدەسىپ, ء وز تاجىريبەلەرىمەن ءبولىستى. ءوڭىرىمىزدىڭ قايتالانباس سۇلۋ جەرلەرىن, تاريحي ورىندارىن ارالاپ, تانىسىپ قايتقان ولار العان اسەرلەرىن ورتاعا سالىپ, فوتوعا ءتۇسىرۋدىڭ قىر-سىرلارىن اڭگىمەلەدى.
«مەن كەز كەلگەن كەزدەسۋدىڭ اشىق ديالوگتا ءوتۋىن قالايمىن. سوندا شەبەرلىكتى قالىپتاستىرۋدىڭ, تابىسقا جەتۋدىڭ جولدارى, وزىندىك قولتاڭباسى جان-جاقتى اشىلاتىن بولادى. جەكە فوتو جاساۋ ستيلىمە كەلەتىن بولساق, ونىڭ ەشقانداي قۇپياسى جوق. تەك تىنىمسىز ىزدەنىپ, ەڭبەكتەنە ءبىلۋ كەرەك», دەيدى «National Geograhic» جۋرنالىنىڭ فوتوسۋرەتشىسى البەرتو دي ماۋرو.
عىلىمي-تانىمدىق جۋرنالدىڭ وكىلى جەرگىلىكتى فوتوسۋرەتشىلەردىڭ نازارىنا ءوزىنىڭ تاڭداۋلى جۇمىستارىن ۇسىنىپ, ءتۇسىرىلۋ تاريحى جايلى ايتىپ بەردى. فوتو جانە بەينە ءتۇسىرىلىم ءبىر-بىرىنە ۇقساس. جاقسى جاقتارىن يگەرىپ, جۇمىس بارىسىندا پايدالانا ءبىلۋدىڭ ماڭىزى زور. جەرگىلىكتى بەينەوپەراتور ميحايل كازناچەەۆتىڭ ويىنشا شەتەلدىك تاجىريبەنى يگەرۋ ەش ارتىقتىق ەتپەيدى.
شەبەرلىك ساعاتىنا قاتىسۋشىلار ءتۇرلى ساۋالدار قويىپ, الەمگە تانىمال جۋرنال فوتوسۋرەتشىسىنىڭ جۇمىس لابوراتورياسىنىڭ قۇپيا سىرلارىنا بويلاۋعا ۇمتىلدى. ءوڭىرىمىزدىڭ رۋحاني-مادەني نىساندارى مەن كورىكتى جەرلەرى تۋرالى تۇسىرىلگەن فوتولارمەن تانىستى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
