كۇنى بويى قالا قوناقتارى مەن تۇرعىندارى قوستاناي قالاسىنداعى ونەر ۇجىمدارى قويعان كونتسەرتتى تاماشالادى. كەشكە دەيىن قوستاناي قالاسىنداعى «ميلح» ءسۇت زاۋىتى «نوۆىي دەن» دەگەن ساۋدا ماركاسىمەن جاستارعا, مەرەكەگە كەلۋشىلەرگە تەگىن بالمۇزداق تاراتتى. مەرەكە كۇنى كەشكە دەيىن فۋتبولدان, شاحماتتان , فوتوسۋرەت تۇسىرۋدەن جانە اسىق اتۋ, توعىزقۇمالاق, اكۆاگريم, ارمرەستلينگ تاعى باسقا سپورت تۇرلدەرى مەن ويىنداردان جارىستار ۇيىمداستىرىلدىكەلۋشىلەر ءىت-تەحنولوگيا مەن قۇلتەمىرتەحنيكادان كورمەنى تاماشالادى.
كەشكە قاراي مەرەكە گالا-كونتسەرتپەن جالعاستى. وعان وبلىس اكىمى ارحيمەد مۇحامبەتوۆ كەلدى. «جاستار كۇنى – سۇلۋلىقتىڭ, جاستىقتىڭ, سارقىلماس قۋات پەن دوستىقتىڭ مەرەكەسى. ەلباسى نۇرسۇلتان نازارباەۆ جاستاردى رەفورمالاردىڭ قوزعاۋشى كۇشى دەپ سانايدى. قوستانايلىق جاستار ىلعي دا كوشباسشى بولىپ كوزگە تۇسەدى. رەسپۋبليكادا جالعاسىن تاپقان ماڭىزدى باستامالار مەن اكتسيالار ءبىزدىڭ وبلىستان باستاۋ الدى. «جاستاردىڭ التىن كىتابىنا» بۇگىنگە دەيىن وقۋدا, ەڭبەكتە, قوعامدىق جۇمىستا اينالسىنا ۇلگى بولعان 200 جاستىڭ ەسىمى التىن ارىپپەن جازىلدى. جاستار ءبىلىم الۋ, ەڭبەك ەتۋ ءۇشىن ولارعا جاعداي جاساۋ– ءبىزدىڭ مىندەتىمىز» دەدى ارحيمەد بەگەجان ۇلى. اكىم وبلىستاعى جاستار قوزعالىسىنىڭ جەتى كوشباسشىسىنا العىس حاتپەن قوسىپ, ۆەلوسيپەد سىيلادى.
ءنازيرا جارىمبەت,
«ەگەمەن قازقستان»
قوستاناي
