ادىلەتتىكتەر مالىمدەمە قابىلدادى

كەشە «ادىلەت» دەموكراتيالىق پارتيا­سى «قازاقستان رەسپۋبليكاسى جۇرتشىلى­عىن جۇمىسپەن قامتۋ جانە تابىس ساياساتى» اتتى تاقىرىپقا ارنالعان ءباسپاسوز ءماس­لي­حا­تىن وتكىزدى. پارتيا سەركەلەرى جاڭا­وزەن­دەگى جاعدايدى تاعى ءبىر وي ەلەگىنەن وتكىزە كەلە, «قازاقستان رەسپۋبليكاسى جۇرتشى­لىعىنىڭ تابىس جانە جۇمىسپەن قامتۋ ساياساتى تۋرالى» مالىمدەمەسىن جاريالادى. باسقوسۋدا «ادىلەت» پارتياسى توراعا­سىنىڭ ءبىرىنشى ورىنباسارى تولەگەن سىدىق پارتيا قىزمەتىنىڭ باستى باعىتتارىنىڭ بىرىنە قاراپايىم ادامداردىڭ مۇددەلەرىن قوياتىنىن, سوندىقتان, ونىڭ يدەيالىق نەگىزى الەۋمەتتىك ادىلدىك, ەركىندىك جانە ىنتى­ماق­تاستىق باعدارلاماسى بولىپ تابىلاتىنىن العا تارتتى. – ادىلەت» پارتياسى وسى جاساپ وتىرعان مالىمدەمەسى ارقىلى حالىق پەن ۇكىمەتتىڭ اراسىندا كۇردەلى تۇرعان ماسەلە – رەسپۋبليكا جۇرتشىلىعىن جۇمىسپەن قامتۋدا ءوز كوزقاراس, وي-پىكىرلەرىن ءبىلدىرىپ وتىر», – دەدى تولەگەن سەيدومار ۇلى. – ويتكەنى, بۇل ماسەلەنىڭ قانشالىقتى كۇردەلىلىگى ءبىزدىڭ قوعامعا دا, ادامنىڭ بولاشاعىنىڭ دامۋى­نا دا اسەر ەتپەك. سوندىقتان, بۇل ماسەلەگە قاشاندا بۇعان دەيىنگى ساياسي وتىرىستارى­مىز­دا باسا كوڭىل ءبولىپ كەلەمىز. ال بۇگىن­گىدەي سايلاۋ ناۋقانى بارىسىندا دا مۇنداي الەۋمەتتىك جاعدايلاردى شەشىپ الماي, قانداي دا جەتىستىكتەر, تولاعاي تابىستارعا قول جەتكىزۋدىڭ قيىنعا سوعاتىنىن العا تارتىپ وتىرمىز. ەگەر ءبىز وسى ماقسات-مۇددەمىزبەن پارلامەنتكە وتسەك, ونداعى باستى مىندەتىمىز, الەۋمەتتىك دامۋدىڭ ءادىس­تەرىن, ساياساتىن وزگەرتۋگە كۇش سالۋ بولادى. ويتكەنى, الەۋمەتتىك ساياساتتى ورنىق­تىر­ماي, بۇگىنگى كوتەرىلىپ وتىرعان ماسەلەلەردى شەشە المايمىز. مىنە, وسى رەتتە, پارتيا ءوز مالىمدە­مە­لە­رىندە ۇزاق مەرزىمگە ارنالعان باسىم­دىق­تاردى ۇسىنىپ وتىر. ولاردا بىرقاتار الەۋمەتتىك ماسەلەلەر قامتىلعان.  ال ءماس­ليحاتتا ءسوز العان پارتيا مۇشەلەرى: «ماڭ­عىس­تاۋ وبلىسىنداعى جاڭاوزەن قالاسى تۇر­عىندارىنىڭ نەگىزگى ناپاقاسى – «قارا ال­تىن­نان». بالالار مەن زەينەتكەرلەردى ەسەپكە الماعاندا, جۇمىسشىلاردىڭ باسىم ءبو­لىگى – مۇنايشىلار. گۇلزەينەپ سادىرقىزى. الماتى.