اقجولدىقتار – وڭتۇستىكتە ءجۇر

قازاقستاننىڭ «اق جول» دەموكراتيالىق پارتياسى توراعاسىنىڭ ورىنباسارى ءبورى­حان نۇرمۇحامەدوۆ باستاعان ءبىر توپ اق­جولدىقتار وڭتۇستىك وڭىردەگى جۇزدەسۋلەرىن رۋحاني استانا – تۇركىستاننان باستادى. قازاقتى ەل قىلعان, مەملەكەتىنىڭ نەگىزىن قالاپ, بۇتىندىگىن ساقتاپ قالعان ۇلى ارۋاق­تارعا زيارات ەتكەن ولار تۇركىستان حالقى­مەن كەزدەسۋدە وزدەرىنىڭ سايلاۋالدى تۇعىر­ناماسىن كەڭىنەن تانىستىردى. “اق جول” – حالىقتىڭ ءۇمىتىن جالعاپ وتىر­عان پارتيالاردىڭ ءبىرى, – دەيدى پارتيا­نىڭ تۇركىستان فيليالىنىڭ توراعاسى مۇسا پاتتەەۆ. – قازاقستان – الەمدەگى پايدالى قازبالارعا, شيكىزاتقا باي ەل دەسەك, ونىڭ نەگىزگى يگىلىگىن شەتەلدىك كاسىپورىنداردىڭ اتتوبەلىندەي وكىلدەرى ەمەس, جەرگىلىكتى تۇرعىندار كورۋى كەرەك. سونىمەن قاتار, جاستاردىڭ جۇمىسسىزدىق دەڭگەيىن ازايتۋ ماسەلەسىمەن بەلسەندى اينالىسادى. وتىرار اۋدانىندا جالعاسقان كەزدەسۋدە ب.نۇرمۇحامەدوۆ ءبىلىم بەرۋ, دەنساۋلىق ساقتاۋ سالالارى جۇمىسىن جاقسارتۋ, سوت جۇيەلەرىنىڭ تاۋەلسىزدىگىن قامتاماسىز ەتۋ, كاسىپكەرلىكتى قولداۋ, جۇمىسسىزدىقتى ازايتۋ جونىندەگى ويلارىن تارقاتتى. – مەن “اق جول” پارتياسىن كاسىپ­كەر­لىك­كە ۇلكەن قولداۋ كورسەتكەندىگى ءۇشىن تاڭ­دا­دىم, – دەيدى “تورەبەك” جشس-ءىنىڭ ءتورايى­مى, وڭتۇستىككە بەلگىلى كاسىپكەر بايان ناربەكوۆا. – جۇمىس جاعدايىمەن قىتايدا سان رەت بولدىم. وندا شاعىن جانە ورتا بيزنەسكە ۇلكەن كوڭىل ءبولىنىپ, جەرگىلىكتى بيلىك جۇمىسىن نەگىزسىز تەكسەرمەۋگە ون جىلداي ۋاقىت بولىنەدى ەكەن. ال, بىزدە مانسابىن پايدالانىپ, وكتەمدىك كورسەتەتىندەر كوپ. كوپتەگەن شارۋاشىلىقتار جۇمىسىن باستاماي جاتىپ, جابىلىپ قالادى. سوندىقتان, ءۇش جىلعا دەيىن تەكسەرمەۋ جونىندە كەڭدىك بەرىلۋى كەرەك دەپ ويلايمىن. جەڭىلدەتىلگەن نەسيەلەردىڭ پايىزى تومەن بولسا, شارۋا­شى­لىقتار اياعىنان تەز تۇرىپ كەتەر ەدى. “اق جول” پارتياسىنىڭ وسى باعىتتاعى ۇستا­نىمى كوڭىلىمىزدەن شىعادى. جالپى, كۇنى بۇگىنگە دەيىن اقجولدىقتار ەلىمىزدىڭ بىرقاتار وبلىستارىندا سايلاۋ­شى­لارمەن كەزدەسۋلەر وتكىزىپ ۇلگەردى. سول ءجۇز­دەسۋلەر بارىسى كورسەتكەنىندەي, كوپشى­لىكتى الەۋمەتتىك ماسەلەلەر تولعاندىرا­تىنى بەلگىلى بولىپ وتىر. ولاردىڭ قاتارىندا كوممۋ­نال­دىق قىزمەت كور­سەتۋ قۇنىنىڭ قىمبات­شى­لىعى, جۇمىس­سىز­دىق جانە تۇرعىن ۇيمەن قام­تاماسىز ەتىلمەۋ پروبلەمالارى بار.  باقتيار تايجان. وڭتۇستىك قازاقستان وبلىسى.