جيىن بارىسىندا قاجىلىق ماۋسىم كەزىندە اتقارىلاتىن شارالار پىسىقتالىپ, اسىرەسە ادامداردى تاسىمالدايتىن اۋە كومپانيالارىنىڭ دايارلىعى, سونداي-اق مىندەتتى ۆاكتسينا قابىلداۋ ءراسىمى مەن ۆيزا ماسەلەسى كەڭىنەن تالقىلاندى.
قمدب توراعاسى, باس ءمۇفتي سەرىكباي قاجى ورازدىڭ ايتۋىنا قاراعاندا, بيىل ساۋد ارابياسى كورولدىگىنىڭ قاجىلىق ىستەرى جونىندەگى مينيسترلىگىمەن كەلىسىم بويىنشا ءۇش مىڭ قازاقستاندىققا قۇلشىلىق كۆوتاسى ءبولىنىپتى. بۇلاردى قاسيەتتى ساپارعا الىپ بارۋ ءۇشىن 18 وتاندىق تۋريستىك كومپانيا قىزمەت كورسەتۋگە دايىن. اتالمىش مينيسترلىك وتكەن جىلى ءدىني تۋريزم سالاسىندا تۋروپەراتورلىق قىزمەتتى جۇزەگە اسىرۋ قاعيدالارىن بەكىتكەن. بارلىق شارا وسى قاعيدات نەگىزىندە ورىندالادى.
مينيستر دارحان كالەتاەۆتىڭ ايتۋىنشا, قاجىلىقتى قاداعالاۋ ءھام ۇيىمداستىرۋ ماقساتىندا ۆەدوموستۆا ءدىني باسقارمامەن بىرلەسىپ 14 ادامدىق توپ قۇرىپتى. بۇل قۇرامدا: ءدىني باسقارمادان 7, بۇقارالىق اقپارات قۇرالدارىنان 3, دەنساۋلىق ساقتاۋ جانە قوعامدىق دامۋ مينيسترلىگىنىڭ ءار قايسىسىنان ەكى-ەكىدەن وكىل بار.
قاجىلاردى تاسىمالداۋ ءىسىن قازاقستان مەن ساۋد ارابياسىنىڭ اۋە كومپانيالارى 50/50 پايىز ۇلەس نەگىزىندە اتقارماق. بۇل ءىستى تياناقتى اتقارىپ شىعۋدى ساۋديالىق «Fly Nas» اۋە كومپانياسى وزىنە مىندەتتەسە, ء بىزدىڭ تاراپتان «SCAT» اۋە كومپانياسى قىزمەت كورسەتەدى.
سونىمەن قاتار قاجىلاردىڭ مىندەتتى تۇردە ۆاكتسينا قابىلداۋ شاراسى ەلىمىزدىڭ بەس قالاسىندا ورنالاسقان 8 مەديتسينالىق ورتالىقتا اتقارىلادى. ۆاكتسينا باعاسى – 28 مىڭ تەڭگە. قاجىلىق پارىزىن وتەۋشىلەر ساۋد ارابياسىنا 9-15 تامىز ارالىعىندا بارىپ, 1 قىركۇيەككە دەيىن ەلگە ورالادى.
بەكەن قايرات ۇلى,
«ەگەمەن قازاقستان»
