حالىق قالاۋلىسى مىرزاكەنت كەنتىندەگى «اق التىن» مادەنيەت ۇيىندە اۋدان تۇرعىندارىمەن ارنايى كەزدەسىپ, ءماجىلىس وتكىزدى. ءوز سوزىندە ءالي ابدىكارىم ۇلى ەنىشىن الىپ جاڭادان اۋدان بولعان ماقتاارالدىقتاردى قۇتتىقتاپ, ءمىرزاشول وڭىرىنە دەگەن ەلباسى ن.ءا.نازارباەۆتىڭ ىقىلاسى ەرەكشە ەكەنىن اتاپ ءوتتى.
«ەلىمىز تاۋەلسىزدىك العاننان كەيىن قيىن-قىستاۋ كەزەڭگە تاپ بولىپ, قارجىنىڭ تاپشىلىعىنان كوپتەگەن اۋداندار بىرىكتىرىلىپ, ءبىر اكىمشىلىك ورتالىقتان باسقارىلدى. سول جىلدارى ماقتاارال, جەتىساي, اسىقاتا اۋداندارىنىڭ ورنىنا ىرىلەنگەن ماقتارال اۋدانى قۇرىلىپ, ورتالىعى جەتىساي قالاسى بولدى. بۇگىنگى تاڭدا ەلىمىز ەڭسەسىن تىكتەپ, دامىعان 50 ەلدىڭ قاتارىنا ەندى. بيۋدجەتىمىز تولىپ, قارجى ماسەلەسى ءوز شەشىمىن تابۋدا. مىنەكي, ارادان 21 جىل وتكەننەن كەيىن ەلباسىمىزدىڭ ىرىلەنگەن ماقتارال اۋدانىن 2-گە ءبولۋ تۋرالى جارلىعى شىعىپ, بۇرىنعى ماقتاارال اۋدانى قايتادان قۇرىلدى. قانشاما جىلدار بويى جەتىم بالانىڭ كۇيىن كەشكەن مىرزاكەنت كەنتى اۋدان ورتالىعى بولدى. اۋداننىڭ ءوز بيۋدجەتى بولىپ, الداعى ۋاقىتتا جاڭادان قۇرىلعان ماقتاارال ادام تانىماستاي وزگەرىپ, قۇلپىرىپ, داميتىنىنا مەن سەنەمىن. سوندىقتان, ەنشىلەرىڭىزدى الۋلارىڭىزبەن سىزدەردى شىن جۇرەكپەن قۇتتىقتايمىن!» - دەدى الي بەكتاەۆ.
جيىندى جۇرگىزىپ وتىرعان اۋدان اكىمى باقىت اسانوۆ جاڭادان قۇرىلعان اۋدانعا ەڭ ءبىرىنشى بولىپ كەلگەنى ءۇشىن حالىق قالاۋلىسىنا العىسىن ايتىپ, اۋدان تۇرعىندارىن كيەلى ءمىرزاشول ءوڭىرىنىڭ قارا شاڭىراعى سانالعان ماقتاارال اۋدانىن دامىتۋعا بىرىگىپ اتسالىسۋعا شاقىردى.
«اعىمداعى جىلدىڭ 10-شى تامىزىنان باستاپ زاڭعا سايكەس اۋدان اكىمدىگىنىڭ قۇرىلىمدىق بولىمدەرىنىڭ باسشىلارىن تاعايىنداۋ جۇزەگە اسىرىلادى. ءتيىستى تاعايىنداۋلاردان كەيىن كەستە بويىنشا اكىمشىلىك اۋماقتىق بىرلىكتەردەردەگى تۇرعىندارمەن كەزدەسىپ, وزەكتى ماسەلەلەردى انىقتايتىن بولامىز. سوندىقتان, مەن سىزدەردى ىنتىماق-بىرلىكتى ارتتىرۋعا, اۋدانىمىزدى كوركەيتۋ, اباتتاندىرۋ جانە دامىتۋ جولىندا بىرىگىپ جۇمىس جاساۋعا شاقىرامىن!» - دەدى باقىت ءناسىرحان ۇلى.
سەناتوردىڭ تۇرعىندارىمەن كەزدەسۋى بارىسىندا وڭىردە قوردالانعان كوپتەگەن ماسەلەلەر تالقىلاندى. ءالي بەكتاەۆ تۇرعىندار تاراپىنان كوتەرىلگەن ماسەلەلەر مەن جاسالعان وتىنىشتەردى بارىنشا شەشۋگە ات سالىساتىنىن, جاڭادان قۇرىلعان اۋدانعا قولداۋ كورسەتۋ ءۇشىن ۇكىمەتكە دەپۋتاتتىق ساۋال جولدايتىنىن اتاپ ءوتتى.
ماجىلىستەن سوڭ دەپۋتات اتاكەنت كەنتىندەگى قازاق ماقتا شارۋاشىلىعى عىلىمي-زەرتتەۋ ينستيتۋتىندا بولىپ, اۋدان عالىمدارىنىڭ تىڭ جاڭالىقتارىمەن تانىستى. ينستيتۋت ديرەكتورى يبادۋللا ۇمبەتاەۆ مەكەمەنىڭ لاباراتوريالارىن ارالاتىپ, عالىمداردىڭ جۇمىس بارىسىن كورسەتتى. وسى ۋاقىتقا دەيىن ماقتانىڭ 12 سورتىن, قاۋىننىڭ 4 سورتىن ويلاپ تاپقان ينستيتۋتتىڭ جۇمىسىنا ءالي بەكتاەۆ ءدان ريزا بولىپ, عىلىمي قىزمەتكەرلەردىڭ ەڭبەگىنە تابىس تىلەدى.
