ءىس-شاراعا قحا توراعاسىنىڭ ورىنباسارى – حاتشىلىق مەڭگەرۋشىسى لەونيد پروكوپەنكو مەن ادام قۇقىقتارى جونىندەگى ۋاكىل اسقار شاكىروۆ جانە قحا مۇشەلەرى مەن ادام قۇقىقتارى جونىندەگى ۇلتتىق ورتالىقتىڭ وكىلدەرى قاتىستى.
قۇجاتقا قول قويۋ ءراسىمى كەزىندە ل.پروكوپەنكو بۇعان دەيىن قوس قۇرىلىمنىڭ اراسىندا قالىپتاسقان ىنتىماقتى قارىم-قاتىناستاردى جەتىلدىرۋدىڭ ءساتى ءتۇسىپ وتىرعاندىعىن جەتكىزدى.
مەموراندۋمدا تاراپتاردىڭ قوعامدىق كەلىسىم مەن جالپىحالىقتىق بىرلىكتى نىعايتۋعا, ادام قۇقىقتارىن قورعاۋعا باعىتتالعان مىندەتتەردى ىسكە اسىرۋداعى ىنتىماقتاستىعى, جاستاردى پاتريوتتىق, ۇلتارالىق جانە مادەنيەتارالىق ديالوگ باعىتىنداعى ءىس-شارالاردى وتكىزۋگە, ازاماتتىق قاۋىمداستىق سەزىمدى قالىپتاستىرۋ باعىتىنداعى ءىس-شارالاردى ۇيىمداستىرۋعا تارتۋ جانە قوعامدىق كەلىسىم سالاسىنداعى باسقا دا ماسەلەلەر كوزدەلگەن.
ال ا.شاكىروۆ ءوز سوزىندە مەملەكەت باسشىسىنىڭ ۇلتارالىق تاتۋلىققا, ازاماتتاردىڭ قۇقىقتارىنىڭ قورعالۋىنا ەرەكشە ءمان بەرەتىندىگىن اتاپ ءوتتى.
– ازاماتتاردىڭ قۇقىقتارى ەل كونستيتۋتسياسى مەن وزگە دە ساباقتاس قۇجاتتاردا ايقىن بەلگىلەنگەن. ەلىمىزدىڭ زاڭدارى ازاماتتاردى ءدىني, ەتنوستىق بەلگىلەرىنە بايلانىستى قۋدالاۋعا, قىسىم كورسەتۋگە تىيىم سالادى. ونى بۇزعاندارعا ءتىپتى قىلمىستىق جاۋاپكەرشىلىك تە قاراستىرىلعان. 1998 جىلى ەلىمىز ناسiلدiك كەمسiتۋشiلiكتiڭ بارلىق نىساندارىن جويۋ تۋرالى حالىقارالىق كونۆەنتسياعا قوسىلدى. 2008 جىلى بۇۇ ناسiلدiك كەمسiتۋشiلiكتى جويۋ جونىندەگى كوميتەتىنىڭ وكىلەتتىلىگىن مويىندادى. ەڭ باستىسى, ەلباسى جەتەكشىلىك ەتەتىن قازاقستان حالقى اسسامبلەياسى ازاماتتاردىڭ قۇقىقتارى مەن بوستاندىقتارىنىڭ قورعالۋىنا سۇبەلى ۇلەس قوسىپ كەلەدى, – دەدى ادام قۇقىقتارى جونىندەگى ۋاكىل.
رەسمي قۇجاتتارعا قول قويىلعاننان كەيىن تاراپتار ءوزارا ءىس-قيمىل شارالارىنىڭ جوسپارىن تالقىلادى.
سەرىك ابدىبەك,
«ەگەمەن قازاقستان»
