بىرلىك پەن تۇتاستىق قىمبات

ەلوردادا «اق جول» دە­موكراتيالىق پارتياسى « ۇلى دالا», «ۇلت تاعدى­رى» قوزعالىستارى, «ءادى­لەت» تا­ريحي-اعارتۋ قوعام­دىق بىرلەستىگى, «بولاشاق» جاستار بىرلەستىگى سياقتى ءبىر توپ قو­عامدىق ۇيىم­داردىڭ وكىلدە­رى­مەن كەزدەسۋ وتكىزدى. پارتيا توراعاسى ا.پەرۋاشەۆ: «بارلىعىمىز دا ەل بىرلىگى مەن مەملەكەت تۇتاس­تى­عىنا, ءبىزدىڭ تۋعان حالقى­مىز­دىڭ الەۋمەتتىك, رۋحاني دامۋىنا, يگىلىگىنە قىزمەت ەتۋگە ءتيىسپىز. ءبۇ­گىن­گى سىزدەرمەن كەزدەسۋ – «اق جول» پار­تياسى مەن ۇلت­تىق-پاتريوت­تىق كۇشتەر ارا­سىنداعى ىن­تىماق­تاس­تىق­تىڭ, قارىم-قا­تىناس­تىڭ زاڭدى جالعاسى. بۇدان ءارى سىزدەر مەن بىزدەر وسى باعىتتاعى ءىس-شارالاردى بىرلەسىپ ىسكە اسىرامىز دەپ ويلايمىن», دەدى. «الاش وردا» قايرات­كەر­لەرى وتكەن عاسىردىڭ باس كەزىن­دە-اق ۇلتتىڭ بىرلىگىن, ەكونو­مي­كالىق دامۋ مەن لي­بە­رال­دى-دەموكراتيالىق قۇن­دى­لىق­تاردى العاشقى ورىنعا قويعان بولسا, ولار­دىڭ ۇلتتىق ءداس­تۇر مەن ەۋ­رو­پالىق, الەمدىك ءور­كە­نيەت­تى ۇشتاستىرىپ, ءبىلىمدى, مادەنيەتتى, وزىق ەل قالىپ­تاستىرۋ يدەياسى بۇگىنگى «اق جول» پارتياسىنىڭ ماق­سات-مۇددەسىمەن ۇندەسىپ جا­تىر», دەگەن پارتيا سەركە­سى­نىڭ ءسوزى­نەن كەشەگى الاش ازا­ماتتارى رۋحىنىڭ جال­عاسى سەزىلگەن. « ۇلى دالا» قوزعالى­سى­نىڭ توراعاسى ايدوس سارىم, «ۇلت تاعدىرى» ۇيىمىنىڭ ءتور­اعا­سى دوس كوشىم جانە «ادىلەت» تاريحي-اعارتۋ­شى­لىق بىرلەس­تى­گىنىڭ توراعاسى بەيبىت قوي­شى­باەۆ قويىلعان سۇراقتاردىڭ وزەكتىلىگىن العا تارتىپ, قازاق مەملەكەت­تىلى­گىنىڭ تاريحي تا­مى­رىن زەرتتەۋ مەن ناسيحاتتاۋدان باسقا, بۇگىنگى كۇنى جالپى قازاق حالقى مەن قازاقستاندىق قو­عامنىڭ رۋحاني بىرىگۋ, شەتتەتۋ ۇردىستەرى مەن الەۋمەتتىك شىدامسىزدىقتى جەڭىپ شى­عۋ, ءبىزدىڭ داستۇرلەرگە ءتان تو­لە­رانت­تىلىق پەن ىنتىماق­تاس­تىق­تى كوكەيكەستى ەتۋ تاپ­سىر­مالارى ماڭىزدى ەكەنىن اتاپ ءوتتى. جيىن سوڭىندا قازاق­ستان مەملەكەتى مەن قا­زاقتىڭ ۇلتتىق قۇندىلىق­تا­رىن ۇلىق­تاپ جۇرگەن ۇيىم وكىلدەرى مەن تۇلعالار «اق جول» پار­تيا­سىنا «قازاق حال­­قىنىڭ امانا­تىن» تاپ­سىردى. «اق جول» پارتياسى باس­شى­لىعىنىڭ ۇلتتىق-پات­ريوت­­تىق بىرلەستىكتەرمەن ءوت­كىزگەن كەزدەسۋىندە « ۇلى دالا» قوز­عالىسىنىڭ توراعاسى ايدوس سارىم جاڭاوزەن­دەگى وقيعاعا وراي قۇرىلعان مەملەكەتتىك كو­ميس­سيا­نىڭ قۇرامىنا ونىڭ جۇ­مىسى­نىڭ اشىقتىعىن قام­­تا­ما­سىز ەتۋ ماقسا­تىن­دا قوعام وكىلدەرىن قوسۋدى ۇسىندى. وسى رەتتە پارتيا ءتور­اعا­سى بەلگىلەنگەن ءتارتىپ بوي­ىنشا كوميسسيانىڭ جۇ­مى­سى­نا قاتىسۋ ءۇشىن ءوز وكىل­دە­رىن جىبەرۋگە دايىن ەكەندىكتەرىن جەتكىزدى. پار­تيا­نىڭ ءما­لىمدەمەسىندە: «پارتيا وسى وقيعاعا وراي اتقارۋشى ور­گانداردىڭ ءىس-ارەكەتىنە باعا بەرۋدى قوسا العاندا, وعان ءتيىستى دارە­جەدە قۇقىق­تىق جانە ساياسي باعا بەرە وتىرىپ, ءادىل ءارى جان-جاقتى تەكسەرۋ جۇرگى­زى­لۋىن تالاپ ەتەدى» دەلىنگەن. اقجول­دىق­تار­دىڭ پىكىرىنشە, قدپ-نىڭ بەدەلدى مۇشەلەرى قاتارىنان ءتاۋ­ەلسىز ساراپشىلاردى تارتۋ مەملەكەتتىك كوميسسيا جۇ­مىسىنىڭ قوعام ءۇشىن شى­نايىلىعى مەن اشىق­تى­عىن قامتاماسىز ەتەدى. قاراشاش توقسانباي.