14 ستارتاپ-كوماندالار ىرىكتەۋدەن ءوتىپ, ستارتاپتاردى دامىتۋدىڭ قارقىندى باعدارلاماسىنا قاتىسۋشى رەتىندە تىركەلدى. Astana Hub اكسەلەراتورى - ول ستارتاپتاردى دامىتۋدىڭ ءۇش ايلىق اقىسىز قارقىندى باعدارلاماسى. اكسەلەراتسيا كومەگىمەن كوماندالار كليەنتتەر مەن سەرىكتەستەر جانە ينۆەستورلار ءۇشىن تارتىمدى ءتيىمدى ءارى اۋقىمدى بيزنەستى قۇرادى.
قاتىسۋشىلار ەكسپو اۋماعىندا تەگىن جۇمىس كەڭىستىگىن يەلەنىپ, ستارتاپ دياگنوستيكاسى, بيزنەس-پروتسەستەردى رەتكە كەلتىرۋ, ينۆەستيتسيالار مەن جوبالاردى جىلدامداتىپ دامىتۋ قىزمەتتەرىمەن قامتىلادى. ىرىكتەلگەن 11 ستارتاپ قازاقستاننان بولسا, قالعان كوماندالار تاجىكستان, وزبەكستان جانە رەسەيدەن كەلگەندەر. Astana Hub كوماندالارعا بىرقاتار قولايلى تەتىكتەردى ۇسىنادى. وسى ورايدا ترەكينگ, ءبىلىم مەن كونسالتينگ, ستارتاپتار اۋكتسيونى, PR, سونداي-اق كورپوراتسيالار مەن مەملەكەتتىك ورگاندارعا بايلانىسقا شىعۋ مۇمكىندىگى ەسكەرىلگەن. ەستەرىڭىزگە سالا كەتەيىك, بيىل اقپاندا Astana Hub تەحنوپاركى بازاسىندا اكسەلەراتسيانىڭ ءبىرىنشى باعدارلاماسى باستالدى. باعدارلاما قورىتىندىسى بويىنشا قازاقساتاندىق 10 ءىت-ستارتاپ ىسكە قوسىلدى. ولار اكسەلەراتسيانىڭ ءۇش ايىندا 28 ملن تەڭگە سوماسىندا العاشقى ينۆەستيتسيالاردى تارتىپ, وزدەرىنىڭ بيزنەس-مودەلىن دامىتۋدىڭ جاڭا دەڭگەيىنە شىعاردى.
