استانالىق وبلىستان باستادى

سايلاۋ-2012 دۇيسەنبى كۇنى «نۇر وتان» حدپ رەسپۋبليكالىق قوعامدىق شتابىنىڭ وكىل­دەرى اقمولا وبلىسى اقكول اۋدانى ناۋموۆكا اۋىلىندا بولدى. نۇروتاندىقتاردىڭ ايتۋىنشا, ولار ءوز كەزدەسۋلەرىن اۋىلدان باستاعانى كەزدەيسوقتىق ەمەس. «قازاق­ستان. 2017 ماقساتتارى. ۇلت­تىق ءىس-قيمىل جوسپارى» ساي­لاۋالدى تۇعىرناماسى با­سىمدىقتارىنىڭ ءبىرى اۋىل­دى دامىتۋ بولىپ تا­بىلادى. «نۇر وتان» بۇرىن دا اۋىلعا قولداۋ كورسەتۋگە ارنالعان بىرقاتار باع­دار­لامالاردى ازىرلەگەن ەدى. ولاردىڭ ىشىندە جۇمىسپەن قامتۋ, اۋىلدىق كاسىپ­كەر­لىكتى دامىتۋ باعدارلاما­لا­رى بار. ال «ديپلوممەن – اۋىلعا!» پارتيالىق جوبا­سى­نىڭ ىسكە اسىرىلۋى اۋىل­دىق جەرلەرگە 14 مىڭنان استام دارىگەر مەن مۇعالىم­دەردى تارتۋعا مۇمكىندىك بەردى. وسى جوبا جالعاسىن تا­با­دى, اۋىلعا ەندى باسقا دا ماماندار باراتىن بولادى. باس­تى ماقسات – اۋىل تۇرعىن­دارى­نىڭ ءومىر ءسۇرۋ دەڭگەيىن قالالىقتارعا جاقىنداتۋ. ناۋموۆكا – شاعىن اۋىل. وسىندا جانە ونىڭ ءۇش ءبو­لىم­شەسىندە, ياعني فيليپپوۆكا, ۆينوگرادوۆكا جانە ورنەكتە ءبىر جارىم مىڭنان استام ادام تۇرادى, بارلىعى – 500-گە جۋىق اۋلا. نۇروتاندىقتار «حلەبوروب» كاسىپورنىنىڭ جۇمىسشىلارىمەن كەزدەسىپ, ناۋموۆكا اۋىلىنىڭ كوشە­لە­رىندە تۇرعىندارمەن پارتيا تۇعىرناماسىنىڭ ۇستانىم­دا­رىن ءتۇسىندىردى, سونداي-اق جەرگىلىكتى دۇكەننىڭ باعا­لا­رى­مەن تانىستى. «ءبىزدىڭ پارتيامىزدى ەل پرەزيدەنتى نۇرسۇلتان ءابىش­ ۇلى نازارباەۆ باسقارادى. ءوز­دەرىڭىزگە بەلگىلى, ەلباسى­مىز اۋىلدىڭ دامۋى ءۇشىن بارلىعىن جاساپ جاتىر. «نۇر وتان» پارتياسىنىڭ دا اگرو­ونەركاسىپتىك كەشەندى ودان ءارى دامىتۋ ءۇشىن دە, اۋىل­دار­دى كوركەيتۋ ءۇشىن دە ناقتى ءىس-شارالار جوسپارى بار. ءبىز­دىڭ پارتيا – ناعىز حالىقتىق پارتيا», – دەپ اتاپ ءوتتى «نۇر وتان» حدپ توراعاسىنىڭ ءبىرىنشى ورىنباسارى, رەسپۋب­لي­كالىق سايلاۋالدى شتاب جەتەكشىسى نۇرلان نىعماتۋلين. جاڭا تەحنولوگيالار, ەكس­پورتتىق الەۋەتتى قولدانۋ جانە ونىمدىلىكتىڭ 2 ەسەگە ءوسۋى اگروونەركاسىپتىك كەشەن­نىڭ باسەكەگە قابىلەتتىلىگىن قام­­تاماسىز ەتەدى, دەلىنگەن پارتيانىڭ باعدارلامالىق قۇ­­جاتىندا. پارتيا نازارى­نىڭ باستى وبەكتىسى اۋىل­دىق­تاردىڭ وزدەرى, ولاردىڭ الەۋمەتتىك ماسەلەلەرى بو­لىپ تابىلادى. ولاردىڭ تابىستارىن ۇل­­عايتۋ ءۇشىن 5 جىلدىق مەرزىمگە 3 ميلليونعا دەيىنگى ميكرونەسيەلەردى ءبولۋ ارقىلى اۋىلدىق كاسىپ­كەر­لىككە قول­داۋ كورسەتىلەتىن بولادى. جۋىق اراداعى 5 جىلدا ور­تالىقتانعان سۋ جۇيەسىمەن اۋىلدىق ەلدى مەكەندەردىڭ 65 پايىزى قامتىلادى. پارتيا جەرگىلىكتى جولداردى قايتا قۇرۋ, اباتتاندىرۋ, كو­گالداندىرۋ ساياساتىن جال­عاستىرادى. ەل پرەزيدەنتى, پارتيا ءتور­اعاسى نۇر­سۇلتان نازار­باەۆتىڭ باستاماسى­مەن ازىرلەنگەن «بالاپان» باع­دارلاماسى بويىنشا با­لاباقشالار قۇرىلىسى جال­عاسىپ كەلەدى. شاعىن مەكتەپتەر ماسەلەسىن شەشۋدى دە كوزدەيدى. ۇتقىر كولىك مە­ديتسيناسىن دامىتۋ دا وسى قاتاردا. تۇرعىن ءۇي جايى دا نازاردان تىس قالماعان. داستان كەنجالين. اقمولا وبلىسى.