بۇگىن فەستيۆالدىڭ العاشقى كۇنى ەستاي اتىنداعى قالالىق مادەنيەت سارايىندا « ۇلى دالا» حالىقارالىق ەتنوفەستيۆالى شەڭبەرىندە « ۇلى دالا مۇراسى: تاريح, تۇلعا, تاعىلىم» اتتى حالىقارالىق عىلىمي-تاجىريبەلىك كونفەرەنتسياسى اشىلدى.
جينالعانداردى وبلىس اكىمى بولات باقاۋوۆ قۇتتىقتادى. وسى فەستيۆال اياسىندا جىل بويى جۇزەگە اسىرىلعان رۋحاني-مادەني شارالاردى دا اتاپ ءوتتى. بۇل كۇندەرى باياناۋىل اۋدانى تەڭدىك اۋىلىندا مۇسا شورماننىڭ كەسەنەسى بوي كوتەرۋدە. اقتوعاي اۋىلى ماڭىنداعى ەستاي بەركىمباي ۇلىنىڭ كەسەنەسىنە جوندەۋ جۇمىستارى جۇرگىزىلىپ, جول سالىنباق. ءماشھۇر ءجۇسىپتىڭ 20 تومدىق شىعارمالارى ساندىق جۇيەگە كوشىرىلدى. سۇلتانماحمۇت تورايعىروۆ مۋزەي كۇردەلى جوندەۋدەن ءوتتى.
وبلىستا بۇقار جىراۋدىڭ تۋعانىنا-350 جىل, مۇسا شورمان ۇلىنىڭ 200 جىل, ءماشھۇر ءجۇسىپتىڭ 160 جىلدىعى, ەستاي بەركىمباي ۇلىنىڭ 150 جىلدىعى, سۇلتانماحمۇت تورايعىروۆتىڭ تۋعانىنا 125 تولۋ مەريتويلارى بىرىنەن سوڭ ءبىرى اتالىپ وتۋدە. وسى بەس مەرەيتويدىڭ كۋلميناتسياسى « ۇلى دالا ەلى» ەتنوفەستيۆالىندە كورىنىس تابۋدا.
ەتنو اۋىلداردا مەرەيتوي يەسىنىڭ ءومىرى, شىعارماشىلىعىنا ارنالعان ساحنالىق كورىنىستەر, كورمەلەر ۇيىمداستىرىلىپ, كوركەمسوزدەر وقىلادى, شىعارمالارى حالىققا كەڭىنەن ناسيحاتتالادى. مەرەيتوي يەلەرىنە ارنالعان رەسپۋبليكالىق اقىندار ايتىسى, ءمۇشايرا, جىرشىلار بايقاۋى جالعاسۋدا.
وبلىستىق ىشكى ساياسات باسقارماسىنىڭ مالىمەتىنشە, « ۇلى دالا ەلى» فەستيۆالىندە ەرتىس جاعاسىنداعى ەرتىسpromenade ساحناسىندا اشىق اسپان استىندا س. سەيفۋللين اتىنداعى قاراعاندى وبلىستىق تەاترى «كومەكەي اۋليە بۇحار جىراۋ» تاريحي دراماسىن ساحنالايدى. ودان كەيىن «ەرتىستىڭ ەرەن ەستايى» اتتى رەسپۋبليكالىق ءداستۇرلى اندەر فەستيۆالى وتەدى. بايقاۋدا ەستايدىڭ «قۇسني-قورلان», ء«بىر مىسقال», «ساندۋعاش», «جاي قوڭىر», «يۋران-اي» جانە باسقا تۋىندىلارى ورىندالادى.
مەرەكە كورىنىسى جاعالاي تىگىلگەن كيىز ۇيلەر, قايناعان قازان, جايىلعان داستارقان, شىرقالعان اندەر, تاڭقالدىرعان قولونەر بۇيىمدارى-بارلىعى دا وتكەن عاسىرلاردان ءبىر كۇندە كەلىپ جەتكەندەي اسەر قالدىرادى.
تەك توي سوڭىنان تاعىلىمدى ءىز قالىپ, ساناعا تيەر وي جينالسا بولعانى.
كەڭ دالادا مۋزىكالىق جانە ادەبي شىعارمالار, تەاترلاندىرىلعان قويىلىمدار, اقىندار سايىسى, سالت-داستۇرلەر, جارىستار باعدارلامالارى وتەدى, ء«سۇيىنباي سازى» فولكلورلىق-ەتنوگرافيالىق ءانسامبلى, «ەرتىس-بايان اۋەندەرى» وبلىستىڭ شىعارماشىلىق ۇجىمدارىنىڭ كونتسەرت بەرەدى.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن: ۆالەري بۋگاەۆ
