بىلتىر ۇلتتىق عىلىمي كارديوحيرۋرگيالىق ورتالىعى جۇرەگىندە اقاۋى بار قۇنانباي ابىراەۆ ەسىمدى ناۋقاسقا «CARMAT» تولىق جاساندى جۇرەگىن سالىپ, پاتسيەنت اسقارالى الپىس جاسقا امان-ەسەن اياق باسقان بولاتىن. مىنە, ارادا توعىز اي وتكەندە دونور تابىلىپ, ق.ابىراەۆقا جاسالعان ەكىنشى وتا دا ءساتتى اياقتالدى. ءبىر جاعى زەرتتەۋ نىسانىنا اينالعان ول – دونورى تابىلعانشا جاساندى جۇرەكپەن جان باققان جەر بەتىندەگى ازىرگە جالعىز جان. ەۋروپاداعى جەتەكشى ەلدەردىڭ ءوزى تاڭداي قاققان تاجىريبە وتاندىق كارديوxيرۋرگيامىزدىڭ وزىق ەكەنىن تاعى ءبىر دالەلدەدى.
وسىعان وراي استانا قالاسىندا ءبىرىنشى رەت پاتسيەنتكە تولىعى-
مەن جاساندى جۇرەك يمپلانتاتسيا-
سىنان كەيىن جۇرگىزىلگەن ورتوتوپيالىق جۇرەك ترانسپلانتاتسياسى تۋرالى ۇلتتىق عىلىمي كارديوحيرۋرگيالىق ورتالىق بازاسىن-
دا دەنساۋلىق ساقتاۋ ۆيتسە-ءمينيسترى الەكسەي تسوي, ۇلتتىق عىلىمي كارديوحيرۋرگيالىق ورتالىعىنىڭ باسقارما توراعاسى يۋري پيا جانە ونىڭ ءبىرىنشى ورىنباسارى ماحاببات بەكبوسىنوۆانىڭ قاتىسۋىمەن ءباسپاسوز ءماسليحاتى ءوتتى. ءماسليحاتتا جۇرەك ترانسپلانتاتسياسىنان بولەك حالىقارالىق عىلىمي جوبالارعا قاتىسۋ, «CARMAT» جاساندى جۇرەگى تۋرالى, سونداي-اق مەديتسيناداعى يننوۆاتسيالىق تاسىلدەر جايلى ءسوز بولدى.
دەنساۋلىق ساقتاۋ ۆيتسە-ءمينيسترى ا.تسوي اتاپ وتكەندەي, قازىرگى ۋاقىتتا جاساندى جۇرەك قۇرىلعىسىنىڭ بىرنەشە موديفيكاتسياسى بار. الايدا فرانتسۋز عالىمدارىنىڭ سوڭعى ەكسپەريمەنتتەرى ناتيجەسىندە قۇراستىرىلعان «CARMAT» تولىق جاساندى ادام جۇرەگىنىڭ فيزيولوگيالىق پارامەترلەرى ناۋقاس اعزاسىنا نەعۇرلىم جاقىن بولىپ تابىلعان.
ورتالىق باسشىسى يۋري پيا دا ءوز كەزەگىندە پاتسيەنتكە جاساندى جۇرەك ورناتۋداعى بىرنەشە سەبەپتەردى اشىپ ايتتى. ناۋقاس توعىز اي بۇرىن دونورلىق جۇرەككە دايىن بولماعان. ونىڭ باۋىر, وكپە جانە تاعى باسقا ورگاندارىنىڭ فۋنكتسياسى ناشارلاپ كەتكەندىگىنە بايلانىستى اتالعان قادامعا بارۋعا تۋرا كەلگەن. «جاساندى جۇرەكتى سالعاننان كەيىن جاعدايى جاقساردى, وكپە ارتەرياسىنداعى قان قىسىمى دا قالپىنا كەلدى. سودان كەيىن بارىپ دونورلىق جۇرەكتى سالۋعا بولاتىنىنا كوز جەتكىزدىك. ءسويتىپ ءۇش ايدان سوڭ پاتسيەنتتىڭ جاعدايى جاقسارعاننان كەيىن ءبىز دونورلىق جۇرەكتى ىزدەۋگە كىرىستىك», دەيدى يۋ.پيا.
ونىڭ سوزىنشە, اعىمداعى جىلى جۇرەككە جاسالعان وتانىڭ سانى بەسەۋگە جەتكەن. «جىلدىڭ سوڭىنا دەيىن تاعى ەكى-ءۇش ناۋقاسقا جاساندى جۇرەك ورناتۋ وتاسى جاسالۋى مۇمكىن. سەبەبى كوپ جاعدايدا تۋعان-تۋىستار دونورلىققا كەلىسىم بەرمەيدى», دەيدى مامان.
جاساندى جۇرەكتى دونورلىق جۇرەكپەن الماستىرۋ وپەراتسياسى 12 ساعاتقا سوزىلعان. الەم بويىنشا العاش رەت جاسالعان وتانى شەتەلدەن 30-عا جۋىق دارىگەر كورۋگە كەلگەن. جاساندى جۇرەكتىڭ ەرەكشەلىگىنە توقتالا كەتەتىن بولساق, بۇل تەك قانا مەحانيكالىق قۇرىلعى ەمەس, سونداي-اق بولشەكتەرى بيولوگيالىق تالشىقتاردان تۇرادى. ءتىپتى ادام قوبالجىعان جاعدايدا ونىڭ سوعىسى جيىلەيتىنى دە بۇگىنگى تاڭدا ايتۋلى عىلىمي جاڭالىق بولىپ وتىر.
«CARMAT» اتتى فرانتسۋز كومپانياسى ءونىمىنىڭ قازىرگى باعاسى – 1 ملن ەۋرو. يۋري پيانىڭ ايتۋىنشا, ق.ابراەۆتىڭ جاعدايىندا مەملەكەت تە, ورتالىق تا مۇنداي اقشا جۇمساعان جوق. فرانتسۋز كومپانياسى ءوز اپپاراتىن سىناقتان وتكىزۋ ءۇشىن ۇسىنعان جانە كوزىمىز جەتكەندەي تاجىريبەدەن ءساتتى ءوتىپ وتىر. قازاق-
ستان حالىقارالىق زەرتتەۋگە ەنگەندىكتەن جاساندى جۇرەكتى جاساعان كومپانيا سول مەحانيكالىق ورگاندى تەگىن بەرەدى ءارى وتاسى دا تەگىن جاسالادى. ارنايى سىناق ناتيجەسى «CARMAT» جۇرەگىنىڭ 7 جىلدان استام ۋاقىت بويى قىزمەت ەتەتىنىن كورسەتكەن.
ماجىلىستە ورتالىق باسشىسىنىڭ ورىنباسارى ماxاببات بەكبوسىنوۆا قازىرگى كەزدە قۇنانباي ابىراەۆتىڭ جاعدايى جاقسى ەكەنىن جەتكىزدى. «ول ءوز كۇشىمەن ءجۇرىپ-تۇرادى. تەلەديدار كورەدى. ال دونورلىق جۇرەكتى ءبىر جاس جىگىتتىڭ تۋعان-تۋىستارى بەرۋگە كەلىستى. ول قايتىس بولعاننان كەيىن ونىڭ ءبىر ەمەس, بىرنەشە اعزاسىن ناۋقاس ادامدارعا بەردى. ءبىز ول جىگىتتىڭ اتا-اناسىنا مىڭ العىس ايتامىز. ولار جۇرەكتى عانا ەمەس, بۇيرەكتى دە, باۋىردى دا بەرۋگە كەلىستى. وسىلايشا, ءبىر ادام, كەم دەگەندە, ءتورت ادامنىڭ ءومىرىن ساقتاپ قالدى», دەيدى ول.
اتالعان ورتالىقتا قۇنانباي ابىراەۆتان بولەك جاساندى جۇرەك ورناتىلعان ەكى ناۋقاس دونور كۇتىپ جاتقاندىعىن دا ايتا كەتكەنىمىز ءجون. جالپى, الەم بويىنشا 10 ناۋقاسقا جاساندى جۇرەك قۇرىلعىسى قويىلعان. ال الەم بويىنشا دونورلىق جۇرەكپەن ءومىر ءسۇرىپ جۇرگەن 30-عا جۋىق ادام بار.
ميراس اسان,
«ەگەمەن قازاقستان»
