بايقاعانىمىزداي, سوڭعى كەزدەرى وڭتۇستىك استانادا جۇرتشىلىق كوپ شوعىرلانعان ورىنداردا «قاتەرلى ناۋقاسقا شالدىققان بالاعا كومەكتەسىڭىزدەر!» نەمەسە «تۇرمىس جاعدايى وتە اۋىر» دەگەن مازمۇنداعى جارنامانى جەلەۋ ەتكەن جاستار كوبەيىپ كەتتى.
قالانىڭ ءىىب مالىمەتىنشە, ادامداردىڭ اۋىر تاعدىرىن سىلتاۋ ەتە وتىرىپ اقشا جيناعان زاڭسىزدىقتار ءجيى كەزدەسەدى. الايدا, مۇنداي ارەكەتتەردىڭ انىق-قانىعىنا ناقتى كوز جەتكىزۋ مۇمكىن بولماي وتىر. سوندىقتان دا قۇقىق قورعاۋ ورگاندارى قايىرىمدىلىق ماقساتقا زاڭسىز تۇردە اقشا جيناۋدىڭ سالدارى الاياقتىق رەتىندە قر قىلمىستىق كودەكسىنىڭ 190-بابى, قر اكىمشىلىك قۇقىق بۇزۋشىلىق تۋرالى كودەكسىنىڭ 449-بابى بويىنشا جاۋاپقا تارتىلاتىندىعىن ەسكەرتەدى. وسى ورايدا ءاربىر زەردەلى ازامات قانداي دا ءبىر ماقساتتاعى قايىرىمدىلىق شارالارىن زاڭ ورگاندارىندا ارنايى تىركەۋدەن وتكەن, وسى سالاعا ماماندانعان ۇيىمدار, قوعامدىق بىرلەستىكتەر مەن قورلار ارقىلى جۇزەگە اسىرۋى قاجەت.
ەلۆيرا سەرىكقىزى,
«ەگەمەن قازاقستان»
الماتى
