«وتىرار» مەن «الاتاۋ» ەلەكتر قۋاتىمەن جابدىقتاماق

ەل تاۋەلسىزدىگىنىڭ 20 جىلدىعى قارساڭىندا الماتى قالاسىندا كەرنەۋى 110كۆ-تىق «وتىرار» جانە «الاتاۋ» اتتى قوسالقى ەكى ەلەكتر ستانساسى پايدالانۋعا بەرىلدى. بۇل نىسانداردىڭ جالپى سمەتالىق قۇنى 9,19 ميلليارد تەڭگەنى قۇرادى. بۇل قوسالقى ستانسالار الماتىداعى جاڭادان ەنگىزىلگەن مەتروپوليتەننىڭ «الاتاۋ» جانە «جىبەك جولى» ستانسالارىن جانە الماتى قالاسى ورتالىق بولىگىنىڭ تۇتىنۋشىلارىن ەلەكتر قۋاتىمەن جابدىقتاۋعا ارنالعان. الماتى قالاسىنىڭ اكىمدىگىنىڭ قوس ستانسانى سالۋعا جانە بولاشاقتا حالىققا قىزمەت كورسەتەتىن وسىنداي كۇردەلى جوبالاردى ىسكە اسىرۋداعى قامقورلىعى مەن كومەگى مول بولدى. ۇيرەنشىكتى قوسالقى ستانسالارمەن سالىستىرعاندا جاڭا قوسالقى ستانسالار جابىق تۇرپاتتى قوسالقى ستانسا بولىپ تابىلاتىندىقتان كوپ ورىن المايدى جانە ونىڭ ءوزى زاماناۋي عيمارات تۇرىنە جاتادى. قوسالقى ستانسا سالۋ كەزىندە الەمدەگى جەتەكشى ەلەكتر-تەحنيكالىق كومپانيا­لاردىڭ ەڭ جاڭا زاماناۋي جابدىقتارى, ماتەريالدارى جانە تەحنولوگيالارى پايدالانىلدى. قوسالقى ستانسالاردىڭ ەنەرگوجۇيەگە قوسىلۋى ءۇشىن «PRYSMIAN» (فينليانديا) جانە «NEXANS» (گەرمانيا) فيرمالارىندا شىعارىلعان 110كۆ-تىق كابەلدەر پايدالانىلدى. ستانسالاردى سالۋ كەزىندە, سونداي-اق يمپورتتى الماس­تىرۋ ساياساتى اياسىندا قازاقستاندىق كومپا­نيالاردىڭ ەلەكتر-تەحنيكالىق ونىمدەرى دە قولدانىلدى. ماسەلەن, 10كۆ-تىق جيناقتالعان ءبولۋ قۇرىلعىسى, الماتىداعى «اەمز» اق-تا جانە وسكەمەندەگى «كەمونت» اق-تا وندىرىلگەن جانە «كەنتاۋ ترانسفورماتور زاۋىتى» اق-تا وندىرىلگەن ترانسفورماتورلار جونىندە اتاپ ايتۋ قاجەت. سونىمەن, الماتى ايماعىن ەلەكترمەن سەنىمدى جابدىق­تاۋدىڭ ساپاسىن ارتتىرۋعا باعىتتالعان كەڭ اۋقىمدى ءىس-شارالار كەشەنىن ىسكە اسىرۋ جالعاستىرىلۋدا. باقىت بالعارينا, الماتى.