– زەينوللا اعا, قۇتتى بولسىن! تابىلعان دۇنيەلەر جايىندا ايتىپ وتسەڭىز.
– بۇل قازبا جۇمىستارى شىعىس قازاقستان وبلىسى اكىمدىگىنىڭ ارنايى باعدارلاماسى اياسىندا تارباعاتاي اۋدانىنداعى تاۋ اراسىنداعى ەلەكە سازى دەگەن جەردە جۇرگىزىلدى. ءبىز ەرتە ساق داۋىرىنە جاتاتىن ەكى-ءۇش قورعاندى قازۋدى باستاعانبىز. سول قورعانداردان اقىرىنداپ جادىگەرلەر شىعىپ جاتىر. قورعاندى قازۋ جۇمىستارى ءالى اياقتالعان جوق. تابىلعان زاتتار اسا قۇندى. ەرتە ساق داۋىرىندەگى حالىقتاردىڭ مادەنيەتىنىڭ دەڭگەيىن, تەحنولوگياسىن كورسەتەدى.
– 3 مىڭنان استام التىن بۇيىمدار شىقتى دەيدى.
– 3 مىڭنان كوپ. ءالى دە شىعادى. بۇل – ءبىر جاعى. ەكىنشىدەن, وسى ماڭدا قورعانداردى توناۋشىلار كوبەيىپ كەتىپتى. ۇلكەن ساق قورعاندارىن مەتالل ىزدەۋشى قۇرىلعىلارمەن انىقتاپ, جۇك كولىكتەرىمەن كەلىپ, قازىپ اكەتىپ جاتىر. قارا كۇزدە, سوسىن ءساۋىر ايىندا تونايدى ەكەن. قازىرگى زاماننىڭ توناۋشىلارى كوپ ەسكەرتكىشتەردى توناپ, بىت-شىتىن شىعارىپتى. سوندىقتان «التىن شىقتى», «بالەنباي شىقتى» دەپ ايعايلاي بەرۋدىڭ دە قاجەتى جوق سياقتى. سونداي ادامدار ارحەولوگتاردىڭ سوڭىنان جۇرەتىن سەكىلدى. جەرگىلىكتى قۇقىق قورعاۋ ورگاندارىنىڭ دۇرىس جۇمىس ىستەمەۋىنىڭ دە بۇعان اسەرى بار دەپ ويلايمىن. توناۋشىلاردى جەرگىلىكتى ادامدار كورەدى ەكەن. تۇرعىنداردىڭ وزدەرىنە قازدىراتىندارى دا بار سەكىلدى. ولارعا اقشا بەرىپ, اۋزىن جاۋىپ قوياتىن كورىنەدى. وسى جاعداي مەنى الاڭداتادى.
– «التىن ادام» دەۋگە بولا ما؟
– كەزىندە التىن ادام بولعان. كەيىننەن تونالعاننان سوڭ التىندارى جان-جاققا شاشىراپ كەتكەن عوي. مۇردەسىنە ءالى جەتكەن جوقپىز.
– بۇل ءبىر ايدىڭ ىشىندەگى جۇمىس قوي.
– ءبىر اي عانا جەتپەيتىن ۋاقىتتاعى جۇمىس. بىراق ءالى اياقتالعان جوق. ءبىر-ەكى اپاتالىق جۇمىس بار.
– قانشا قورعان قازىلدى سوندا بيىل؟
– ءۇش قورعان قازىلدى. بۇل جەردە 200-دەن استام قورعان بار. قارجى بولىنسە, جالعاستىرا بەرەمىز. بيىلعى مەجە – وسى ءۇش قورعانداعى قازبا جۇمىستارىن سوڭىنا دەيىن جەتكىزۋ.
سۇحباتتاسقان ازامات قاسىم,
«ەگەمەن قازاقستان»
شىعىس قازاقستان وبلىسى
