سەنىمدى سەرىكتەستىك

نارىق زاڭى قاتال. ويتكەنى, قاي سالادا بولماسىن دايىن ءونىم تۇتىنۋشى سۇرانىسىن قا­ناعاتتاندىرۋمەن قاتار, باسە­كە­گە قابىلەتتى بولۋى شارت. وسى تالاپتان كورىنىپ, ەلىمىزدىڭ ەنەر­گەتيكا رىنوگىندا ءوز ور­نىن تاپ­قان ەسىك قالاسىنداعى «ەلەك­تروكابەل» زاۋىتى 10 جىلدان بەرى وسى العىشارتتاردى باس­شىلىققا الۋعا ۇمتىلىپ كەلەدى. سوندىقتان دا ونىمدەرى ءۇل­كەن سۇرانىسقا يە. ويتكەنى, ەسكىرگەن جەلىلەردى اۋىستىرۋ مەن جاڭاسىن سالۋ قارقىن العان. كا­سىپورىننىڭ ەلەكتر-تەحني­كا­لىق ءونىم تۇرلەرىن شىعاراتىن سەنىمدى سەرىكتەستىككە اينالۋى وسىدان. وتاندىق ءونىم ءوندىرۋشى رەتىندە العاشقىلاردىڭ ءبىرى بو­لىپ جۇمىسىن باستاعان زاۋىت فرانتسۋز تەحنولوگياسىمەن كابەلدەر مەن ءتۇرلى ديامەترلى سىمدار شىعارادى. اليۋميني سوزباسىمەن سىرتى قاپتالعان كابەلدەرمەن قاتار, جەر استى سىمدارى جانە تاعى  باسقا ەلەكتر قۇرالدارى وسىندا دايىندالادى. زاۋىتتىڭ قۋاتى ءبىر ايدا 100 مىڭ مەتر كابەل شىعارۋعا ارنالعان. – ءبىز, ەڭ الدىمەن, ساپانى باستى نازارعا الامىز. وسىندا شىعارىلاتىن كابەلدەر يمپورتتان ەش ايىرماسى جوق. تۇتىنۋ مەرزىمى 50 جىلدان اسا ۋاقىتقا جەتەدى. سونداي-اق, بۇل ونىمدەردى قايتا وڭدەۋگە بولمايدى. ياعني, ەلەكتر سىمدارىن ۇرلاپ, جەڭىل تابىس تاباتىنداردىڭ جولى بولمايدى دەگەن ءسوز, – دەيدى تسەح باستىعى زۋلفيكار چيكاەۆ. زاۋىت قوندىرعىلارى ءتۇر­كيا­دان اكەلىنگەن. مۇندا جۇمىس ىستەۋ ءۇشىن دە ارنايى دايىندىقتان ءوتىپ, ماشينالاردىڭ ءتىلىن ءبىلۋ ما­ڭىز­دى. كاسىپورىن باسشىلارى مەن ءبىر­قاتار ماماندار تۇركياعا با­رىپ, ارنايى دايىندىقتان ءوتىپ كەلدى. وسىندا جۇمىس ىستەۋگە نيەتتى جاستاردى قازىر وزدەرى ءۇي­رەتۋدە. شيكىزاتتىڭ باسىم بولىگى رەسەي مەن مالايزيا ەلىنەن تاسى­مالدانادى. كەلەشەكتە شەتەلدەن ەمەس, اليۋميني ءوندىرۋدى قولعا  العان پاۆلودار وبلىسىنان اكەلۋ جوسپارلانعان. بۇل الدىمەن شى­عىن­دى ازايتسا, ەكىنشىدەن, ۋا­قىت­تى ۇنەمدەيدى. ەلىمىزدە ماڭىز­دى ستراتەگيالىق جوبالار ءجۇ­زەگە اسىپ جاتقان شاقتا وتان­دىق ءونىم وندىرۋشىلەرگە دەگەن سۇرانىس تا ارتا تۇسۋدە. وسى باعىتتا كاسىپورىن ۇجىمى ءون­دىرىستى كەڭەيتىپ, ءونىم كولەمىن ۇلعايتۋدى ماقسات ەتكەن. قازىر زاۋىت جانىنان قو­سىمشا عيمارات سالىنۋدا. قون­دىرعىلارعا تاپسىرىس بەرىلگەن. ەندى ءبىر-ەكى ايدان سوڭ بۇل جەردە دە جۇمىس قىزاتىن بو­لا­دى. تاعى دا جاڭا جۇمىس ورنى پايدا بولادى. دەمەك, ءونىم كولەمى دە ۇلعايادى. ماسەلەن, الداعى ۋاقىتتا 300 مەتر كابەل ءوندىرۋ جوسپارلانعان. ءوڭىر ەنەرگەتيكاسىنىڭ دا­مۋ­ى­نا ۇلەس قوسقانى ءۇشىن زاۋىت ۇجى­مى ءتۇرلى ديپلومدار مەن سەر­تيفيكاتتارعا يە. حا­لىق­ارالىق دەڭگەيدە وتكەن كور­مەلەردىڭ جە­ڭىمپازى اتانىپ, جۇمىس ساپاسىن جاقسارتۋى وسىدان بولار. كۇمىسجان بايجان, الماتى وبلىسى, ەڭبەكشىقازاق اۋدانى.