ءماجىلىس دەپۋتاتتارى, «نۇر وتان» پارتياسى فراكتسياسىنىڭ مۇشەلەرى اباي تاسبولاتوۆ پەن ولگا شيشيگينا الماتىعا جۇمىس ساپارى بارىسىندا وقۋشىلار سارايىندا پارتيا جوباسى اياسىندا ۇيىمداستىرىلعان Iت سىنىپتى ارالاپ كوردى.
سىنىپتا 30 بالا ەكى ايدان بەرى روبوت تەحنيكاسى, 3D مودەلدەۋ جانە ديزاين بويىنشا دايىندىقتان وتۋدە. بالالار وقۋ بارىسىندا ۇيرەنگەن باعدارلامالاۋ جوبالارى بويىنشا كەيىن ءوز بەتىنشە مودەلدەردى قۇراستىرا الادى. وسى رەتتە ءماجىلىس دەپۋتاتى ا.تاسبولاتوۆ بالالاردىڭ بۇل باعدارلامالارعا ىنتالىلىعىنا قۋانىشتى ەكەنىن جەتكىزدى. «رەسپۋبليكا بويىنشا 1000 سىنىپتا جارتى ميلليونعا جۋىق وقۋشى جاڭا باعىتتاعى ساپالى ءبىلىم الۋدا. بۇل ءبىزدىڭ كەلەشەكتە سۇرانىسى جوعارى ماماندىقتار بويىنشا نارىقتى ساپالى ماماندارمەن قامتاماسىز ەتە الامىز دەگەن ءسوز», – دەدى ول.
مۇندا 12-17 جاس ارالىعىنداعى وقۋشىلار وزدەرىنىڭ كاسىپكەرلىك جانە شىعارماشىلىق ويلاۋ داعدىلارىن دامىتۋدا. ولار قارجىلىق ساۋاتتىلىقتىڭ نەگىزدەرىن ۇيرەنۋگە, كوشباسشىلىق قاسيەتتەردى انىقتاۋعا, سونداي-اق يدەيالاردى ءىس جۇزىندە ىسكە اسىرۋ تاجىريبەسىن يگەرۋگە كومەكتەسەدى.
***
ءماجىلىستىڭ اگرارلىق ماسەلەلەر كوميتەتىنىڭ توراعاسى ساپارحان وماروۆ پەن ءماجىلىس دەپۋتاتى فاحريددين قاراتاەۆ تۇركىستان وبلىسىنداعى ءوندىرىس وشاقتارىنىڭ جۇمىسىمەن تانىسىپ, ەڭبەك ۇجىمدارىمەن كەزدەسۋلەر وتكىزدى.
س.وماروۆ كەنتاۋ قالاسىنداعى يندۋستريالىق ايماقتا ورنالاسقان «يۋگ-ەلەكتروپريۆود» جشس تىنىس-تىرشىلىگىمەن تانىستى. ەڭبەك ۇجىمىمەن كەزدەسۋ بارىسىندا كوميتەت توراعاسى «پرەزيدەنتتىڭ بەس الەۋمەتتىك باستاماسى», سونداي-اق مەملەكەتتىك باعدارلامالاردى جۇزەگە اسىرۋعا ىقپال ەتەتىن زاڭنامالىق نورمالار تۋرالى اڭگىمەلەدى. ال فاحريددين قاراتاەۆ تۇلكىباس اۋدانىنا كەلىپ, «كوكتال» شارۋا قوجالىعىنىڭ جۇمىسىمەن تانىستى. 2004 جىلى قۇرىلعان شارۋا قوجالىعى بۇگىنگى تاڭدا جەمىس-جيدەك وسىرۋمەن جانە ساقتاۋمەن اينالىسىپ, وندا 30 ادام تۇراقتى جۇمىس جاسايدى. ال ماۋسىمدىق كەزەڭدە قوجالىق 220 ادامدى جۇمىسپەن قامتيدى.
***
ءماجىلىستىڭ ەكولوگيا ماسەلەلەرى جانە تابيعاتتى پايدالانۋ كوميتەتىنىڭ توراعاسى گلەب ششەگەلسكي مەن ءماجىلىس دەپۋتاتتارى قۇرالاي قاراكەن, سەرگەي سيمونوۆ, ميحايل چيركوۆ, دانيا ەسپاەۆا اقتوبە وبلىسىنداعى رودنيكوۆكا اۋىلىنىڭ تۇرعىندارىمەن كەزدەستى.
مارتوك اۋدانىنا قاراستى وكرۋگتە 1385 ادام تۇرادى, ولاردىڭ جارتىسىنا جۋىعى ەكونوميكالىق بەلسەندى ازاماتتار. ولار دەپۋتاتتارمەن كەزدەسۋ بارىسىندا بىرقاتار پروبلەما كوتەردى. ونىڭ ءبىرى – سۋ جەتىسپەۋشىلىگى. اۋىلدىق وكرۋگتىڭ ورتالىقتاندىرىلعان سۋ جانە گاز جەلىسىمەن قامتاماسىز ەتىلگەنىنە قاراماستان, سۋ ماسەلەسى تۇرعىندار ءۇشىن وزەكتىلىگىن جويماي تۇر. بۇل تۋرالى اۋدان اكىمدىگىنىڭ وكىلدەرى ماسەلەنىڭ جوبالىق-سمەتالىق قۇجاتتاماسىن ازىرلەۋگە 9 ملن تەڭگە بولىنگەنىن ايتىپ, جىل سوڭىنا دەيىن بيۋدجەتتىك ءوتىنىم بەرىلىپ, قاراجات بولىنگەن كەزدە شەشىلەتىنىن جەتكىزدى. بۇدان باسقا, بيىل رودنيكوۆكا اۋىلىندا «ايماقتاردى دامىتۋ» باعدارلاماسى بويىنشا كوشەلەردى جارىقتاندىرۋعا 1,4 ملن تەڭگە بولىنبەك.
ءوز كەزەگىندە, دەپۋتات گ.ششەگەلسكي ايماقتارعا ساپار اياسىندا دەپۋتاتتىق توپتىڭ باتىس قازاقستان مەن اقتوبە وبلىسىندا بولعانىن, كەزدەسۋلەر بارىسىندا «ەلباسىنىڭ بەس الەۋمەتتىك باستاماسى» قالاي جۇزەگە اسىرىلعانىن ايتىپ, حالىقتىڭ مۇڭ-مۇقتاجىن تىڭداپ, ولاردىڭ وڭ شەشىمىن تاۋىپ جاتقانىنا نازار اۋداردى.
دايىنداعان ۆەنەرا تۇگەلباي,
«ەگەمەن قازاقستان»
