پارتيالىق تىزىمدەردى ۇسىنۋ جانە تىركەۋ قورىتىندىلارى تۋرالى
2011 جىلعى 15 جەلتوقساندا پارتيالىق تىزىمدەر بويىنشا سايلاناتىن قازاقستان رەسپۋبليكاسى پارلامەنتى ءماجىلىسى دەپۋتاتتىعىنا كانديداتتاردى تىركەۋ اياقتالدى. قازاقستان رەسپۋبليكاسىنىڭ ورتالىق سايلاۋ كوميسسياسىنا سەگىز ساياسي پارتيانىڭ پارتيالىق تىزىمدەرى ۇسىنىلدى جانە تىركەلدى: 1. «نۇر وتان» حالىقتىق-دەموكراتيالىق پارتياسىنىڭ; 2. قازاقستاننىڭ «اك جول» دەموكراتيالىق پارتياسىنىڭ; 3. جالپىۇلتتىق سوتسيال-دەموكراتيالىق پارتيانىڭ; 4. قازاقستان سوتسيال-دەموكراتيالىق «اۋىل» پارتياسىنىڭ; 5. «ادىلەت» دەموكراتيالىق پارتياسىنىڭ; 6. قازاقستاننىڭ پاتريوتتارى پارتياسىنىڭ; 7. «رۋحانيات» پارتياسىنىڭ; 8. قازاقستاننىڭ كوممۋنيستىك حالىق پارتياسىنىڭ. جالپى العاندا, ورتسايلاۋكوم 386 كانديداتتى تىركەدى. 1 دەپۋتاتتىق مانداتقا شامامەن 4 ادام باسەكەلەسەدى. تىركەلگەن كانديداتتاردىڭ اراسىندا 12 ۇلتتىڭ وكىلدەرى بار. ۇمىتكەرلەردىڭ ورتاشا جاسى – 54 جاس. ايەلدەر – 21%. كانديداتتاردىڭ 99% جوعارى ءبىلىمى بار. ولاردىڭ 35% زاڭگەرلىك نەمەسە ەكونوميستىك ءبىلىم. 30% جۋىعى حالىق شارۋاشىلىعىنىڭ ءتۇرلى سالالارىنىڭ ماماندارى بولىپ تابىلادى. تىركەلگەن كانديداتتاردىڭ 13%-ى – ءتورتىنشى شاقىرىلعان پارلامەنتتىڭ دەپۋتاتتارى. تورتتەن ءبىرى – كوممەرتسيالىق قۇرىلىمداردىڭ قىزمەتكەرلەرى, 12%-عا جۋىعى مەملەكەتتىك ورگاندار مەن مەكەمەلەردە, تاعى 16%-عا جۋىعى عىلىم, مادەنيەت جانە ءبىلىم سالاسىندا جۇمىس ىستەيدى. 14 جەلتوقساندا قازاقستان رەسپۋبليكاسىنىڭ ورتالىق سايلاۋ كوميسسياسىندا ساياسي پارتيالاردىڭ اتاۋلارىن سايلاۋ بيۋللەتەنىنە ەنگىزۋ تۋرالى جەرەبە تارتۋ ءوتتى. جەرەبە تارتۋ ناتيجەلەرى بويىنشا 2012 جىلعى 15 قاڭتاردا داۋىس بەرۋ كەزىندە ساياسي پارتيالاردىڭ اتاۋلارى سايلاۋ بيۋللەتەنىندە كەلەسى تارتىپتە ورنالاساتىن بولادى: 1. «نۇر وتان» حالىقتىق-دەموكراتيالىق پارتياسى. 2. قازاقستاننىڭ پاتريوتتارى پارتياسى. 3. «رۋحانيات» پارتياسى. 4. قازاقستاننىڭ «اق جول» دەموكراتيالىق پارتياسى. 5. جالپىۇلتتىق سوتسيال-دەموكراتيالىق پارتيا. 6. قازاقستاننىڭ كوممۋنيستىك حالىق پارتياسى. 7. قازاقستان سوتسيال-دەموكراتيالىق «اۋىل» پارتياسى. 8. «ادىلەت» دەموكراتيالىق پارتياسى. 16 جەلتوقساننان باستاپ پارتيالىق تىزىمدەرى تىركەلگەن ساياسي پارتيالاردىڭ بارلىعى ۇگىت جۇمىسىنا كىرىسە الادى.ءماسليحاتتار دەپۋتاتتىعىنا كانديداتتار ۇسىنۋ جانە تىركەۋ بارىسى تۋرالى
14 جەلتوقساندا ءماسليحاتتار دەپۋتاتتىعىنا كانديداتتار ۇسىنۋ اياقتالدى. الدىن الا مالىمەتتەر بويىنشا 9990 كانديدات ۇسىنىلعان. سونىڭ ىشىندە وبلىستىق, استانا مەن الماتى قالالىق ماسليحاتتارعا – 1912; اۋداندىق ماسليحاتتارعا – 5949; قالالىق ءماسليحاتتارعا – 2129 كانديدات ۇسىنىلعان. ءماسليحاتتار دەپۋتاتتىعىنا 7554 كانديدات تىركەلگەن. ءماسليحاتتار دەپۋتاتتىعىنا كانديداتتاردى تىركەۋ 2011 جىلعى 20 جەلتوقساندا اياقتالادى.شەت مەملەكەتتەر مەن حالىقارالىق ۇيىمداردىڭ بايقاۋشىلارىن اككرەديتتەۋ تۋرالى
15 جەلتوقسانداعى جاعداي بويىنشا, قازاقستان رەسپۋبليكاسىنىڭ ورتالىق سايلاۋ كوميسسياسى قازاقستان رەسپۋبليكاسى سىرتقى ىستەر مينيسترلىگىنىڭ ۇسىنىمى نەگىزىندە 47 حالىقارالىق بايقاۋشىنى اككرەديتتەدى, ولاردىڭ 46-سى ەقىۇ/دياقب ميسسياسىنىڭ جانە 1-ءى تمد-دان بايقاۋشىلار ميسسياسىنىڭ قۇرامىنا كىرەدى.ورتسايلاۋكومعا كەلىپ تۇسكەن وتىنىشتەر تۋرالى
2011 جىلعى 16 قاراشا مەن 14 جەلتوقسان ارالىعىنداعى كەزەڭدە ورتسايلاۋكومعا 39 ءوتىنىش كەلىپ تۇسكەن. ولاردىڭ 27-ءى سايلاۋ ناۋقانىنىڭ ءارتۇرلى اسپەكتىلەرى بويىنشا وتىنىشتەر, تاعى 11-ءى – سايلاۋ كوميسسيالارىنىڭ, سايلاۋ ۇدەرىسىنە قاتىسۋشىلاردىڭ جانە بۇقارالىق اقپارات قۇرالدارىنىڭ قىزمەتىنە قاتىستى. قازاقستان رەسپۋبليكاسىنىڭ ورتالىق سايلاۋ كوميسسياسى
