شالقار اۋداندىق ءبىلىم ءبولىمىنىڭ باس مامانى ديدارا اقمالايدىڭ ايتۋىنشا, بۇل ادەتتەگى اعاش ۇيلەردىڭ ءبىرى ەمەس, «جاسىل ەكونوميكا» مەن «جاسىل الەم» ستاندارتتارىنا سايكەس قۇراستىرىلعان يننوۆاتسيالىق كيىز ءۇي بولىپ شىقتى. ونىڭ بۇعان دەيىنگى كوز ۇيرەنگەن كيىز ۇيلەردەن ارتىقشىلىعى مەن وزگەشەلىگى قانداي؟
– زاماناۋي ۇلگىدە جابدىقتالعان ءارى ءتۇرلى تۇستەرمەن كومكەرىلگەن ءىت اعاش ءۇيدىڭ ىشىنە فيزيكا ءپانى مۇعالىمدەرى مەن وقۋشىلاردىڭ بىرلەسىپ جاساعان تۋىندىلارى قويىلدى. مۇنداعى جەرگىلىكتى جاڭاشىلداردىڭ قولىنان شىققان كۇن مەن جەلدىڭ قۋاتىن پايدالانۋ ارقىلى جۇمىس ىستەيتىن قوندىرعىلار مەن اسپاپتار ەشكىمدى ەنجار قالدىرا المايدى. سونىمەن بىرگە اششى سۋدى تۇشىتۋ قۇرالدارى دا كوپشىلىكتىڭ قىزىعۋشىلىعىن تۋعىزىپ وتىر, – دەيدى شالقار قالاسىنداعى №7 ورتا مەكتەپتىڭ ديرەكتورى گۇلسايران ىبىراەۆا.
راسىندا دا قارا ءدۇرسىن ەمەس, ءتيىستى عىلىمي-زەرتتەۋلەر مەن جۇمىستاردىڭ ناتيجەسىندە تۋىنداعان ومىرشەڭ تەحنيكالىق قۇرالداردى سەريالىق وندىرىسكە قويسا ءوزىن-ءوزى تولىعىمەن اقتار ەدى-اۋ دەگەن وي كولدەنەڭدەي بەرەدى. ءدال وسى تۇستا ءوزىمىز تىكەلەي كۋا بولعان جاڭاشىلدىقتىڭ ءبىر كورىنىسى تۋرالى ايتا كەتسەك, ۆەلوسيپەد تەبۋ ارقىلى ۇيالى تەلەفوننىڭ قۋاتىن تولتىرۋعا بولادى ەكەن. مۇنداي مىسالدار جەتكىلىكتى. وسىندايدا ەرىكسىز جارايسىڭدار شالقارلىق جاس ورەندەر, دەگىم كەلەدى.
تەمىر قۇسايىن,
«ەگەمەن قازاقستان»
اقتوبە وبلىسى,
شالقار اۋدانى
