وتىرىس بارىسىندا «سامۇرىق-قازىنا» اق ترانسفورماتسيا باعدارلاماسىن ىسكە اسىرۋ بارىسى, جەكەشەلەندىرۋ ماسەلەلەرى تالقىلانىپ, سونداي-اق 2017 جىلى اتقارىلعان جۇمىستار قورىتىندىسى شىعارىلىپ, كومپانيانىڭ 2018–2022 جىلدارعا ارنالعان دامۋ جوسپارلارى قارالدى.
وتىرىس قاتىسۋشىلارى 2014 جىلدان باستاپ 2018 جىلدىڭ 1 توقسانى ارالىعىنداعى پايدا مەن ينۆەستيتسيالار تۋرالى مالىمەتتەردەن تۇراتىن قوردىڭ ترانسفورماتسيا باعدارلاماسىن ىسكە اسىرۋ تۋرالى ەسەبىن تىڭدادى. قوردىڭ ديرەكتورلار كەڭەسىندە ەسەپتى جۇيەلى تۇردە قاراۋ بولاشاقتا باعدارلامانىڭ باستامالارىن ەنگىزۋ تيىمدىلىگىن ارتتىرۋعا جول اشاتىن باسقارۋ شەشىمدەرىن ۋاقىتىلى قابىلداۋ جانە ارەكەت جاساۋ ءۇشىن قاجەت.
