«20 جىل –تاۋەلسىزدىك قىزمەتىندە» اتتى جاڭا كىتاپ جارىق كوردى

كەشەگى كەڭەستىك جۇيەدەن ءبو­­لىنگەن تۇستا مەملەكەتتىك قىز­مەتتىڭ جۇيەسىن قايتا رەفورمالاۋ ارقىلى جاڭا قو­­عام­عا لايىقتى مەملەكەتتىك باسقارۋ ينستيتۋتىن قۇرۋ قا­­جەتتىگى كۇن تارتىبىندە بولدى. ارينە, بۇل ايتقانعا وڭاي بولعانىمەن, ات­قارۋى كۇردەلى ەكەندىگى تۇسىنىك­تى. العاش ءجۇ­­­زەگە اسىرىلعان, وزگە ەلدەردە انالوگى جوق مۇن­داي قۇ­رى­لىم «مەملەكەتتىك قىز­مەتتىڭ قازاقستاندىق مودەلى» دەگەن تۇسىنىكتىڭ قالىپتا­سۋىنا ىق­پال ەتكەنىنە بۇگىندە كوز جەتكىزىپ وتىرمىز. ەلىمىزدەگى مەم­لەكەتتىك قىزمەت جۇيەسىن رەفورمالاۋدا قول جەتكەن تا­بىستار, وزىمىزدە عانا ەمەس, شەت ەل ساراپشىلارىنىڭ دا جوعارى باعاسىنا يە. سونىڭ ناتيجەسىن­دە جاڭا مەملەكەتتىك قىزمەت مودەلىنىڭ پرەزيدەنتتىك تۇجى­رى­مى – «ۇلتقا قىزمەت ەتۋ» تۇسىنىگىمەن ءساي­كەستەنىپ, حا­لىققا قىزمەت ەتىپ كەلەدى. مىنە, تولىمدى تاجىريبە جي­ناقتالعان قىزمەتكە بايلا­نىستى تاۋەلسىزدىك مەرەيى قار­سا­ڭىندا جاڭا كىتاپ جارىققا شىقتى. قازاقستان رەسپۋبليكاسى مەم­­­­لەكەتتىك قىزمەت اگەنتتىگى وب­لىستىق اۋماقتىق باسقارما­سى­نىڭ باستىعى – تارتىپتىك كەڭەس­تىڭ ءتور­اعاسى, ەكونوميكا عى­لىم­دا­رى­نىڭ دوكتورى, پروفەسسور سەرىكباي نۇر­عيساەۆ­تىڭ «20 جىل تاۋەل­سىز­دىك قىز­مە­تىندە» اتتى كىتابى مەرەيلى مەرەكەگە لا­يىقتى تارتۋ دەۋگە ابدەن بولادى. اۆتور ەلىمىزدەگى مەملەكەتتىك قىزمەت اگەنتتىگى وبلىستىق ءبولىم­شەسىنىڭ جۇمىسىن نەگىزگە الۋمەن قاتار ەلباسى نۇر­سۇلتان نازار­باەۆتىڭ مەملەكەتتىلىگىمىزدى قا­لىپ­تاستى­­رۋ­­­دا­عى قاجىرلى ەڭبە­گىن, مەملەكەتتىك قىزمەتتىڭ قا­زاق­ستان­دىق مودەلىن جاساۋداعى جان­قيارلىق جۇمىسىن جان-جاق­تى اشىپ كورسەتۋىمەن قۇندى. كىتاپتا مەملەكەتتىك قۇرى­لىم­نىڭ مىسىرلىق, گرەكتىك, ريمدىك, قىتايلىق ۇلگىلەرىمەن بىرگە وزىمىزدەگى وسى تۇرعى­داعى العاش­قى قۇرىلىمدارعا دا تالداۋ جا­سالعان. ماسەلەن, كەڭ بايتاق دا­لاداعى ادام قۇ­­­قىعى مەن بيلەر سوتى, تاۋكە حاننىڭ «جەتى جار­عىسىنان» باستاپ, ولاردى بۇگىنگى زامان­نىڭ جاڭارعان ۇردىسىمەن باي­لانىستىرادى. اتالعان كىتاپتىڭ بۇگىنگى ءور­كەنيەتكە بەت العان قوعامداعى ورنى جايلى قازاقستان رەس­پۋب­­لي­كاسى پرە­زيدەنتى اكىم­شىلىگى جە­تەك­شىسىنىڭ ورىنبا­سا­رى باۋ­ىر­­جان بايبەك, الماتى وبلى­­سىنىڭ اكى­مى اڭسار مۇسا­حا­نوۆ, قازاق­ستان رەسپۋبلي­كاسى مەملەكەتتىك قىز­مەت اگەنت­تىگى­نىڭ ءتور­­­اعاسى ءاليحان بايمەنوۆ جو­عارى باعا بەرسە, تا­نىمال عا­لىم­­دار ەرجان يساقۇ­لوۆ, ءۋا­ليحان قا­لي­جان, امانجول قاسا­بەك, ءابدى­­ماناپ بەكتۇرعانوۆ, ءابى­­­ك­ەن توق­تىبەكوۆ, رۇستەم جولامان ءجا­نە باسقالارىنىڭ ما­قالا­لا­­رى­نىڭ كىتاپقا ەنۋى ونىڭ سال­ماعىن ارتتىرا تۇسكەنىن كورەمىز. كىتاپتىڭ مەملەكەتتىك قىز­مەت سالاسىندا ەڭبەك ەتكەن ادام­­داردىڭ كۇندەلىكتى جۇمى­سىنا, «مەملەكەتتىك جانە جەرگىلىكتى باسقارۋ», «قۇقىقتانۋ» مامان­دى­عى بويىنشا وقىپ ءجۇر­گەن ستۋدەنتتەرگە جانە مەملەكەتتىك قىزمەت ماسەلەلەرىنە قاتىستى مالىمەت العىسى كەلەتىن كەز كەلگەن جانعا تيگىزەر پايداسى زور. ەلىمىزدە تاۋەلسىزدىك العان 1991 جىلى باستالعان قازاق­ستان رەسپۋبليكاسىنىڭ مەملەكەتتىك قىزمەت جۇيەسى دامۋ مەن جەتىلۋ كەزەڭىن باسىنان وتكىزىپ, تاريح ەنشىسىنە قالىپ بارادى. وسىناۋ اۋقىمدى جۇمىستى زەرت­تەپ, ونى بولاشاق ۇرپاقتىڭ رۋحاني مۇ­­­راسىنا اينالدىرعان سەرىكباي نۇرعيساەۆتىڭ بۇل ىزدەنىسى ال­­­داعى ۋاقىتتا دا جال­عاسىن تابار دەگەن ۇمىتتەمىز. كۇمىسجان بايجان, الماتى وبلىسى.