9 قاڭتار – شاھار باسشىسى ءا.جاقسىبەكوۆ استانا قالاسىنىڭ كاسىپتىك-تەحنيكالىق كوللەدجىندە بولىپ, ءبىلىم مەكەمەلەرىنىڭ جۇمىسىمەن تانىستى.
28 قاڭتار – «استانا» سۋرەت گالەرەياسىندا جاڭا گرافيكا جانە ءمۇسىن زالى اشىلدى. زالعا ەلىمىزگە تانىمال كاسىبي گرافيكتەر مەن بەينەلەۋ ونەر شەبەرلەرىنىڭ مۇسىندەرى قويىلدى.
6 اقپان – استانادا قازاقستان حالقى اسسامبلەياسى جىلىنىڭ اشىلۋىنا بايلانىستى ءراسىم ءوتتى.
27 اقپان – استانا اكىمى ءا.جاقسىبەكوۆ ەلوردالىق بىرقاتار مەديتسينا مەكەمەلەرىنىڭ جۇمىسىمەن تانىسىپ, «شيپاگەر» وتباسىلىق دەنساۋلىق ورتالىعىندا بولدى.
1 ناۋرىز – ەلباسى ن.نازارباەۆ شاھار تۇرعىندارىمەن بىرگە «استانا ارەنا» ستاديونىندا فۋتبولدان قازاقستان سۋپەركۋبوگىن ساراپقا سالعان «استانا» – «قايرات» ويىنىن تاماشالادى.
16 ناۋرىز – «استانا وپەرا» تەاترىندا مادەنيەت قايراتكەرلەرىنىڭ قاتىسۋىمەن مادەني ساياساتتىڭ تۇجىرىمداماسىن تالقىلاعان ءماجىلىس ءوتتى.
18 ناۋرىز – استانا قالاسىندا قازاقستان رەسپۋبليكاسى پرەزيدەنتى ءىس باسقارماسى مەديتسينالىق وڭالتۋ كەشەنى اشىلىپ, شاراعا ن.نازارباەۆ قاتىستى.
6 ءساۋىر – ەلوردانىڭ بارلىق جوعارى وقۋ ورىندارىندا «قارقىندى ءۇزىلىس» شاراسى وتكىزىلىپ, جاستار استانالىقتاردى 26 ساۋىردە وتەتىن پرەزيدەنت سايلاۋىنا بەلسەنە قاتىسۋعا شاقىردى.
15 ءساۋىر – باۋىرجان مومىش ۇلى ەسكەرتكىشى الدىنداعى الاڭدا استانا قالالىق تىلدەردى دامىتۋ باسقارماسىنىڭ ۇيىمداستىرۋىمەن جەڭىستىڭ 70 جىلدىعىنا ارنالعان «نامىس تۇعىرى» اتتى پاتريوتتىق-تاعىلىمدىق ءىس-شارا ءوتتى.
24 ءساۋىر – ەلوردادا جاستار ساياساتى ماسەلەلەرى باسقارماسىنىڭ باستاماسىمەن ستۋدەنتتىك قۇرىلىس جانە «جاسىل ەل» ەڭبەك جاساعىنىڭ جاڭا ناۋقانى سالتاناتتى تۇردە اشىلدى.
29 ءساۋىر – سايلاۋدا جەڭىسكە جەتكەن پرەزيدەنت ن.نازارباەۆ قىزمەتىنە رەسمي كىرىسۋىنە بايلانىستى سالتاناتتى ۇلىقتاۋ ءراسىمى ءوتتى.
7 مامىر – استاناداعى «قازاق ەلى» مونۋمەنتى الاڭىندا قازاقستان پرەزيدەنتى – قارۋلى كۇشتەردىڭ جوعارعى باس قولباسشىسى ن.نازارباەۆتىڭ قاتىسۋىمەن وتان قورعاۋشى كۇنىنە جانە جەڭىستىڭ 70 جىلدىعىنا ارنالعان اسكەرۋ شەرۋ بولدى.
20 مامىر – مەملەكەت باسشىسى ن.نازارباەۆتىڭ بەس ينستيتۋتتىق رەفورماسىن جۇزەگە اسىرۋعا باعىتتالعان «100 ناقتى قادام» ۇلت جوسپارى جاريالاندى.
22 مامىر – مەملەكەت باسشىسى ن.نازارباەۆ كوپفۋنكتسيونالدى «تالان تاۋەر» جانە «ابۋ-دابي پلازا» جانە «جاسىل كۆارتال» تۇرعىن ءۇي كەشەندەرىنىڭ قۇرىلىس الاڭىن ارالاپ, اتقارىلعان جۇمىستارمەن تانىستى.
2 ماۋسىم – استانادان كورەياعا جانە گرۋزياعا تىكەلەي اۋە رەيستەرى اشىلدى.
5 ماۋسىم – «استانا ارەنا» ستاديونىندا «مۋز تۆ-2015. گراۆيتاتسيا» سىيلىعىن تاپسىرۋ سالتاناتى ءوتتى.
4 شىلدە – ەلباسى ن.نازارباەۆ ەلورداداعى «اتامەكەن» ەتنو-مەموريالدى كەشەنى الاڭىندا جىل سايىنعى ءداستۇر بويىنشا مەملەكەتتىك تۋ كوتەرۋ سالتاناتتى راسىمىنە قاتىستى.
19 تامىز – استانا قالاسىندا جاستار اراسىندا ۆەلوسيپەدپەن جارىسۋدان UCI الەم چەمپيوناتى باستالدى. وعان دۇنيە ءجۇزىنىڭ 32 ەلىنەن 200-دەن اسا سپورتشى قاتىستى.
19 قىركۇيەك – استانادا ء«بىز – تازا قالا ءۇشىن!» ۇرانىمەن قالالىق سەنبىلىك ءوتتى. شاراعا 81 مىڭنان استام ادام, 460 تەحنيكا جۇمىلدىرىلدى.
20 قاراشا – «استانا» حالىقارالىق اۋەجايىندا بيزنەس-اۆياتسيا تەرمينالى اشىلدى.
9 جەلتوقسان – استانا قالاسىنىڭ اكىمى ءا.جاقسىبەكوۆ 72 جاس وتباسىعا سالتاناتتى جاعدايدا پاتەر كىلتىن تاپسىردى.
14 جەلتوقسان – مەملەكەتتىك تۋمەن بەزەندىرىلگەن اۆتوكەرۋەن ەلوردا كوشەلەرىمەن ءجۇرىپ ءوتتى. ونى ۇيىمداستىرعان «نۇر وتان» پارتياسى جانىنداعى «جاس وتان» جاستار قاناتىنىڭ استانا قالالىق فيليالى.
دايىنداعان بەكەن قايرات ۇلى,
«ەگەمەن قازاقستان»
