1 قاڭتار – جاڭا جىلدىڭ العاشقى كۇنى ەلوردا پەرزەنتحانالارىندا 146 ءسابي ومىرگە كەلدى.
7 قاڭتار – ەلوردادا ءومىر ءسۇرىپ جاتقان مۇگەدەك-زاعيپ جاندار ءۇشىن «ينۆاتاكسي» قىزمەتى پايدا بولىپ, وعان قالا بيۋدجەتىنەن 8 ملن تەڭگە قارجى ءبولىندى.
10 قاڭتار – استانا تۇرعىندارى قازاقستان اسكەرلەريلەرىنىڭ جاۋىنگەرلىك دايىندىق جوسپارىنا سايكەس وتكىزىلگەن اۆتوكولىكتەر شەرۋىن تاماشالادى.
11 قاڭتار – ەلوردادا «دوڭگەلەك الاڭ» اتتى كوپشىلىك دەمالىس ورنى اشىلدى.
4 اقپان – ءبىر جىل بۇرىن تۇساۋى كەسىلگەن «استانا وپەرا» تەاترى العاشقى گاسترولىن الماتى قالاسىنان باستادى.
7 اقپان – ەلورداداعى تۇڭعىش پرەزيدەنت مۋزەيىندە قىلقالام شەبەرى جەڭىس كاكەن ۇلىنىڭ «سايگ ۇلىك سەرەناداسى-4» اتتى جەكە كورمەسى اشىلدى.
22 اقپان – استانالىق بوكسشى مەرەي اقشالوۆ ازيا بوكس كونفەدەراتسياسىنىڭ شەشىمىمەن «جىلدىڭ ۇزدىك بوكسشىسى» اتاندى.
28 ءساۋىر – «تۇران – استانا» ۋنيۆەرسيتەتىندە لوندون وليمپياداسىنىڭ قولا جۇلدەگەرى مارينا ۆولنوۆامەن كەزدەسۋ بولدى.
12 مامىر – استانادان قاراعاندى باعىتىنا قاتىنايتىن «سارىارقا» ەلەكتروپويىزىنىڭ جاڭارتىلعان قۇرامى جولعا شىقتى.
17 مامىر – سانكت-پەتەربۋرگ قالاسىندا استانانىڭ مادەني كۇندەرى باستالىپ, نەۆا وزەنى جاعالاۋىنا قازاقتىڭ ەتنواۋىلى جاساقتالدى.
24 مامىر – ەلوردانىڭ جاڭا وقۋشىلار سارايىندا دارىندى بالالارعا ارنالعان «تريۋمف» بالى وتكىزىلدى. وعان 200-دەن استام ءارتۇرلى عىلىمي جوبالار جەڭىمپازدارى قاتىستى.
29 مامىر – استانادا قازاقستان, بەلارۋس, رەسەي پرەزيدەنتتەرى – نۇرسۇلتان نازارباەۆ, الەكساندر لۋكاشەنكو جانە ۆلاديمير پۋتين ەۋرازيالىق ەكونوميكالىق وداق قۇرۋ تۋرالى شارتقا قول قويدى.
2 ماۋسىم – «استانا – شىمكەنت» باعىتى بويىنشا دىتتەگەن جەرىنە 15 ساعات 35 مينۋتتا جەتەتىن جۇردەك «تالگو» قاتىناي باستادى.
4 ماۋسىم – رەسەي فەدەراتسياسى ساراتوۆ وبلىسىنىڭ استاناداعى كۇندەرى «پەكين پالاس» مەيمانحاناسىندا سالتاناتتى جاعدايدا اشىلدى.
9 ماۋسىم – «استانا وپەرا» تەاترىندا رەسەيلىك بالەتمەيستەر يۋري گريگوروۆيچ دايىنداعان «سپارتاك» بالەتىنىڭ پرەمەراسى بولدى.
30 ماۋسىم – پرەزيدەنت ن.نازارباەۆ جىلداعى ءداستۇر بويىنشا استانا ماڭىنداعى ورمان القاپتارىن ارالاپ, «جاسىل بەلدەۋ» باعدارلاماسىمەن تانىستى.
3 شىلدە – ەلوردادا ۇلتتىق قورعانىس ۋنيۆەرسيتەتىنىڭ جاڭا عيماراتى پايدالانۋعا بەرىلىپ, اشىلۋ راسىمىنە ەلباسى ن.نازارباەۆ قاتىستى.
4 شىلدە – ەلباسى ن.نازارباەۆ استانا كۇنىن مەرەكەلەۋدىڭ باسى مەملەكەتتىك تۋدى كوتەرۋ راسىمىنە قاتىستى.
6 شىلدە – قالا مەرەكەسىنە وراي ەلوردادا «استانا-الاۋ» اتتى تۇركى مۋزىكاسىنىڭ فەستيۆالى باستالدى. وعان 14 ەلدىڭ ونەر شەبەرلەرى قاتىستى.
5 قىركۇيەك – قازاقستان حالقى تىلدەرىنىڭ XVI فەستيۆالى باستالدى. ول قىركۇيەكتىڭ 19-ىنا دەيىن سوزىلىپ, بىرنەشە اتاۋلى باعدارلاما بويىنشا كونكۋرستار وتكىزدى.
17 قىركۇيەك – «استانا وپەرا» تەاترىنىڭ ۇيىمداستىرۋىمەن باستالعان «جىبەك جولى» حالىقارالىق فەستيۆالى يتاليان كومپوزيتورى دجاكومو ءپۋچچينيدىڭ «توسكا» وپەراسىمەن اشىلدى.
20 قازان – ەلوردا تورىندە ۇلتىمىزدىڭ ءبىرتۋار كومپوزيتورى ءشامشى قالداياقوۆتىڭ اندەرىن ناسيحاتتاۋعا ارنالعان «مەنىڭ قازاقستانىم» فەستيۆالى شىمىلدىعىن ءتۇردى. ول 5 كۇنگە سوزىلدى.
11 قاراشا – مەملەكەت باسشىسى ن.نازارباەۆ «نۇرلى جول – بولاشاققا باستار جول» اتتى قازاقستان حالقىنا ارناعان جولداۋىن جاريالادى.
15 جەلتوقسان – ەلورداداعى «استانا وپەرا» تەاترىندا ەلىمىزدىڭ قاستەرلى مەرەكەسى – تاۋەلسىزدىك كۇنىنە وراي سالتاناتتى شارا ءوتتى. وعان مەملەكەت باسشىسى ن.نازارباەۆ قاتىسىپ, ءسوز سويلەدى.
بەكەن قايرات ۇلى,
«ەگەمەن قازاقستان»
