ەستەرىڭىزگە سالا كەتەيىك, قۇجات قازاقستان وڭىرلەرىنىڭ وقۋشىلارى مەن ستۋدەنتتەرى ءۇشىن حالىقارالىق مامانداندىرىلعان كورمە مۇراسى نىساندارىنا مادەني-ءبىلىم بەرۋ تۋرلارىن ۇيىمداستىرۋدى قامتيدى. وسىلايشا, جىل باسىنان بەرى «نۇر الەم» سفەراسىن 32 مىڭنان استام وقۋشى مەن شامامەن 6 مىڭ ستۋدەنت كەلىپ كورگەن.
باستاپقىدا جوبا فيزيكا, بيولوگيا جانە باسقا دا كوپتەگەن پاندەر بويىنشا ەلوردالىق گيمنازيالارعا اشىق ساباق وتكىزۋدى كوزدەگەن بولاتىن. العاشقى ساباقتان باستاپ-اق بالالاردىڭ جاراتىلىستانۋ عىلىمدارىنا دەگەن قىزىعۋشىلىعى ارتا ءتۇستى. ويتكەنى تەوريانى قاراپايىم بايانداعاننان گورى, ماتەريالدى ينتەراكتيۆتى تۇردە جەتكىزگەن بالانىڭ ەسىندە تەز ساقتالىپ, تەز بەكىتىلەدى. ەندى «نۇر الەم» سفەراسىندا اشىق ساباقتاردى استانا قالاسى عانا ەمەس, سونداي-اق اقمولا, قوستاناي, سولتۇستىك قازاقستان جانە باسقا دا وبلىس مەكتەپتەرى وتكىزە الادى.
جاقىندا جاسالعان مەموراندۋم اياسىندا «بولاشاق ەنەرگياسى» مۇراجايىن جامبىل وبلىسىنىڭ وقۋشىلارى تاماشالادى. ۇلتتىق كومپانيا جانە مۇعالىمدەرمەن «حالقىمنىڭ ۇلتتىق داستۇرلەرى» تاقىرىبىندا جانە ءار قاباتتا وتكىزىلگەن شاعىن ەكسكۋرسيا تۇرىندە اعىلشىن تىلىنەن اشىق ساباقتار ۇيىمداستىرىلدى.
– جوبا اياسىندا وتانىمىزدىڭ سالت-داستۇرلەرىنە ارنالعان ينس-
تاللياتسيالارى بار زال ۇلكەن اسەر قالدىردى. وقۋشىلاردى قىزىقتىرعانى ينتەراكتيۆتى اشىق ساباق بولدى. بالالار العان اسەرلەرىن ءتۇرلى ءتۇستى قارىنداش پەن فلوماستەرلەردىڭ كومەگىمەن قاعاز بەتىنە ءتۇسىردى, – دەپ اتاپ ءوتتى جامبىل وبلىستىق مەكتەپ وليمپيادالارى مەن مەكتەپتەن تىس ءىس-شارالاردى وتكىزۋ ورتالىعىنىڭ الەۋمەتتىك-مادەني باعدارلامالار ءبولىمىنىڭ مەڭگەرۋشىسى ولگا ساگاندىكوۆا.
جاس سۋرەتشىلەر سفەرانىڭ ءار قاباتىندا سۋرەتتەمە ورىنداپ, سوڭىندا ءبىرىنشى قاباتتا توسىننان ۇيىمداستىرىلعان كورمەدە بالالاردىڭ قىلقالامىنان شىققان شىعارمالارىمەن بارلىق كەلۋشىلەر تانىسا الدى.
«نۇر الەم» سفەراسى 8 قاباتتان تۇرادى. ءار دەڭگەيىندە ەنەرگيا تۇرلەرىنىڭ جارقىن ەلەمەنتتەرى مەن ەكسپوزيتسيالارى ۇسىنىلعان. مىسالى, ەكىنشى قاباتتا بالالار سۋ ەنەرگياسىن ءوندىرۋ تاسىلدەرىمەن, ال جەتىنشى قاباتىندا عارىش ەنەرگياسىمەن تانىسا الادى. ءبىرىنشى قاباتتا ۇلتتىق پاۆيلون ورنالاسقان, وندا ءارتۇرلى لاندشافتتار, قازاقستاننىڭ مادەنيەتى مەن تاريحى ۇسىنىلعان.
