پورتۋگاليالىق جوزە پەزەيرۋ «سپورتينگ» كومانداسىنا وسىمەن ەكىنشى رەت باس جاتتىقتىرۋشى بولىپ تاعايىندالىپ وتىر. ول 2004-2005 جىلدارى كوماندانى باسقارىپ, 2005 جىلى كلۋبپەن بىرگە سول كەزدەگى ۋەفا كۋبوگىنىڭ فينالىنا شىعىپ, ماسكەۋدىڭ تسسكا كومانداسىنان جەڭىلىپ قالعان ەدى.
ەسكە سالا كەتەيىك, بۇعان دەيىن «سپورتينگ» سەربيالىق باپكەر سينيشا ءميحايلوۆيچتى كلۋبتىڭ باس باپكەر دەپ جاريالاپ, ارادان 9 كۇن وتكەن سوڭ ونى وتستاۆكاعا جىبەرگەن بولاتىن.
«ۋيمبلدونعا» ءۇش تەننيسشىمىز قاتىسادى
كەشە بريتانيا استاناسى لوندوندا تەننيستەن ۇلكەن دۋلىعا ساناتىنا ەنەتىن «ۋيمبلدون» جارىسى باستالدى. اتالعان جارىسقا ەلىمىزدىڭ اتىنان ءۇش تەننيسشىمىز قاتىسادى.
ەرلەر اراسىندا ميحايل كۋكۋشكين باق سىناسا, قىزدار باسەكەسىندە زارينا دياس پەن يۋليا پۋتينتسەۆا سىنعا تۇسەدى. تۋرنير كەشە باستالسا دا قازاقستاندىق تەننيسشىلەر جارىس جولىنا بۇگىن شىعادى. دياس العاشقى اينالىمدا اۋستراليالىق داريا گاۆريلوۆا (الەمنىڭ 25-ءشى راكەتكاسى) كۇش سىناسسا, پۋتينتسەۆا پولشالىق ماگدا لينەتتپەن (80) وينايدى. ال كۋكۋشكين كانادالىق ۆاشەك پوسپيشيلگە (97) قارسى كورتقا شىعادى.
ايتا كەتەيىك, «ۋيمبلدون» تۋرنيرىندە يۋليا پۋتينتسەۆا ەلىمىزدىڭ ءبىرىنشى ءنومىرلى تەننيسشىسى رەتىندە قاتىسادى. جۋىردا عانا جاڭارعان WTA رەيتينگىندە ول 53-ورىنعا جايعاسقان. دياس 54-ورىندا تۇر.
گران-پري جەڭىمپازى انىقتالدى
اۋستريا تاس جولدارىندا وتكەن «فورمۋلا-1» جارىسىنىڭ توعىزىنشى كەزەڭىندە «رەد بۋلل» كومانداسىنىڭ وكىلى ماكس فەرستاپپەن جەڭىمپاز اتاندى. ەكىنشى جانە ءۇشىنشى ورىندى «فەرراري» كومانداسىنىڭ اۆتوپيلوتتارى كيمي رايككونەن جانە سەباستيان فەتتەل يەلەندى.
فەتتەل توعىزىنشى كەزەڭنىڭ قورىتىندىسى بويىنشا, جارىس كوشباسشىسى ليۋيس حەميلتوننان 1 ۇپاي جوعارى جيناپ, 146 ۇپايمەن جالپى ەسەپتە ءبىرىنشى ورىنعا كوتەرىلىپ الدى. حەميلتوننىڭ ەنشىسىندە 145 ۇپاي بار. ال كيمي رايككونەن 101 ۇپايمەن ءۇشىنشى ورىندى قورىتىندىلاپ تۇر. گران-پري جەڭىمپازى فەرستاپپەن 93 ۇپايمەن بەسىنشى ورىندا كەلەدى.
جارىستىڭ كەلەسى كەزەڭى 6-8 شىلدە كۇندەرى ۇلىبريتانيانىڭ سيلۆەرستوۋن تاس جولدارىندا وتەدى.
دايىنداعان
ءالي بيتورە,
«ەگەمەن قازاقستان»
