وبلىس ورتالىعىنداعى دوستىق ءۇيى – قوعامدىق كەلىسىم ورتالىعى ديرەكتورىنىڭ مىندەتىن اتقارۋشى ل.جۇماشەۆا, قالالىق اقساقالدار كەڭەسىنىڭ توراعاسى سايلاۋحان اۋحاديەۆ, وبلىستىق «مۇسىلمان ايەلدەرى» قوعامدىق بىرلەستىگىنىڭ بەلسەندى مۇشەسى گۇلشات سماعۇلوۆا مەديتسينالىق جەدەل-جاردەم اۋرۋحاناسىنىڭ پەرزەنتحاناسىندا 1 شىلدەدە دۇنيەگە كەلگەن ءسابيدىڭ اكە-شەشەسىن مەرەكەمەن قۇتتىقتاپ, دومبىرا سىيلادى. سايلاۋحان اۋحاديەۆ اقساقال قازاقى جولمەن سابيگە اق باتاسىن بەرىپ, دومبىرامەن قوسا گۇل شوعىن تارتۋ ەتتى. «شىنىن ايتسام, تاڭعالىپ تۇرمىن. ەندى بۇل دومبىرانى قاستەرلەپ, تورىمىزگە ءىلىپ قوياتىن بولامىز. ۇلتتىق اسپابىمىزدى ۇلىقتاپ جاتقان ۇيىمداستىرۋشىلارعا مىڭ العىس», - دەيدى ءدال وسى كۇنى ءسابيلى بولعان جاس انا ەركەجان پازىلوۆا.
ايتا كەتەيىك, وسى كۇنى تەك وسكەمەندە عانا ەمەس, ءوڭىردىڭ سەمەي قالاسى مەن بىرقاتار اۋداندارىندا دا وسىنداي شارا ۇيىمداستىرىلدى.
ازامات قاسىم,
«ەگەمەن قازاقستان»
وسكەمەن
