وندا تاراپتار ايماقتاعى «جاسىل» ەكونوميكا جوبالاردىڭ ىسكە اسىرىلۋ بارىسىن تالقىلادى. «وڭتۇستىك» ايو باستاماسىمەن شاقىرىلعان دەلەگاتسيا قۇرامىندا ينچحون ۇلتتىق ۋنيۆەرسيتەتىنىڭ قۇرمەتتى پروفەسسورى, نوبەل سىيلىعىنىڭ لاۋرەاتى راە كۆون چۋنگ, وڭتۇستىك كورەيالىق عالىمدار يۋ دجاە چەون جانە كۆانگ-دون كيم, ەكولوگيالىق ۇيىمدار قاۋىمداستىعى باسقارماسىنىڭ توراعاسى ايگۇل ساعاديبەكقىزى, G-Global جاسىل ەكونوميكا جانە دامۋ كواليتسياسىنىڭ توراعاسى سالتانات راحيمبەكوۆالار بولدى.
كەزدەسۋ بارىسىندا وبلىس اكىمى قاتىسۋشىلاردى ءوڭىردى دامىتۋ جوسپارلارىمەن تانىستىرا وتىرىپ, وبلىس ورتالىعى تۇركىستان قالاسىنىڭ بولاشاقتا تۇركى الەمىنىڭ اعارتۋشىلىق جانە رۋحاني دامۋ ورتالىقتارىنىڭ ءبىرى بولاتىنىن تىلگە تيەك ەتتى.
«قازىرگى ۋاقىتتا تۇركىستان قالاسى, ايماقتىق ورتالىق بولا وتىرىپ, ينفراقۇرىلىمدىق جوبالاردى ەلەۋلى تۇردە دامىتۋدى تالاپ ەتەدى. ينۆەستيتسيا تارتۋ دۇرىس ۇيىمداستىرىلسا, بولاشاقتا ورتا ازياداعى ينۆەستيتسيالىق بۋمنىڭ ەڭ بەلسەندى نۇكتەلەرىنىڭ ءبىرى بولا الاتىن وسى بىرەگەي قالانىڭ دامۋ الەۋەتىن باعالاۋ قاجەت» - دەدى ول.
كەزدەسۋدە تۇركىستان ايماعىندا ەكو-قالالاردى قۇرۋ جانە ايماقتى ەنەرگيامەن جابدىقتاۋ, سونداي-اق SuperGrid ارقىلى اسقان ەنەرگيانى ۇزاق قاشىقتىققا ەكسپورتتاۋعا باعىتتالعان «جاسىل» ەنەرگەتيكا سالاسىنداعى جاھاندىق جوبالار تالقىلاندى. بۇل پەرسپەكتيۆالى جوبالار ايماق باسشىسى تاراپىنان وڭ باعا الدى جانە كەزدەسۋدەن كەيىن وبلىس اكىمى ولاردى دامىتۋ جانە ەنگىزۋ بويىنشا جۇمىس توبىن قۇرۋدى تاپسىردى.
قازاقستاننىڭ «جاسىل» تۇجىرىمداماسى شەڭبەرىندە ايماقتىڭ ءورشىل مىندەتتەرىن ەسكەرە وتىرىپ, «وڭتۇستىك» ايو تۇركىستان ايماعىندا تۇرمىستىق قاتتى قالدىقتاردى وڭدەۋدىڭ تۇجىرىمدامالىق باعدارلاماسىن ازىرلەپ, تۇركىستاندا پيلوتتىق جوبانى ىسكە اسىرۋدى ۇسىنعان بولاتىن.
ساپار بارىسىندا وڭتۇستىك كورەيالىق سەرىكتەستەر تۇركىستان قالاسىنداعى قاتتى قالدىقتاردىڭ مورفولوگياسىن زەرتتەپ, ىنتىماقتاستىق تۋرالى ۇسىنىستارعا قىزىعۋشىلىق تانىتتى. نوبەل سىيلىعى لاۋرەاتىنىڭ كەزەكتى ساپارى تۇركىستان قالاسىنداعى «جاسىل تەحنولوگيالار» نەگىزىندە جوبالاردى ىسكە اسىرۋ ءۇشىن ينۆەستيتسيالار تارتۋ جانە تەحنولوگيالار ترانسفەرتى رەتىندە بولۋى جوسپارلانۋدا. وڭىرگە جاساعان ساپارىندا دەلەگاتسيا قۇرامى م.اۋەزوۆ اتىنداعى ۋنيۆەرسيتەتىندە ۇيىمداستىرىلاتىن دوڭگەلەك ۇستەلگە قاتىسىپ, «جاسىل» ەكونوميكا ءۇشىن ينفراقۇرىلىم قۇرۋ تۋرالى ءۇش جاقتى مەموراندۋمعا قول قويۋ كۇتىلۋدە.
