وبلىستىق ءبىلىم باسقارماسى مۇرىندىق بولعان ايتۋلى شارا «جىبەك جولى» ويىن-ساۋىقتىرۋ ورتالىعىندا بولدى. مەملەكەت باسشىسى نۇرسۇلتان نازارباەۆ: «دومبىرا قازاقتىڭ جان دۇنيەسىمەن بايلانىستى. كۇيدى, دومبىرانىڭ اۋەنىن, سازىن مۇرنىنا جۋسان ءيىسى بارعان ءارى ۇلى دالا توسىندە ومىرگە كەلگەن قازاق قانا تۇسىنە الادى. سەبەبى بۇل ەرەكشە مۋزىكا ادامنىڭ جان دۇنيەسىن كورسەتەدى, ياعني مۇڭدى نەمەسە قۋانىشتى, ويدى اشىق بايقاتادى. كەشكىلىك دومبىرانى شەرتىپ وتىرعان كەزدە بارلىعى ۇمىتىلادى. ماعان بۇل اسەر ۇنايدى, سونداي-اق دومبىرادا جاقسى وينايتىن ادامدارعا قۇرمەتپەن قارايمىن. ءبىزدىڭ قازاق حالىق اندەرى مەن جىرلارى ادامنىڭ جان-سەزىمىن تولقىتادى, ولاردا فيلوسوفيالىق مازمۇن بار. قازاق اندەرى مەن جىرلارىندا مۋزىكاعا ەمەس, ونداعى سوزدەرگە ءمان بەرۋ كەرەك. بۇل سوزدەردىڭ ءمانى وتە تەرەڭدە جاتىر جانە ولاردىڭ ۇلكەن ماڭىزى بار», - دەگەن ەدى.
مەرەكەلىك ءىس-شارا باعدارلاماسىندا دومبىراشىلار انسامبلدەرىنەن قازاق كۇيشىلەرىنىڭ شىعارمالارىنان پوپۋرري, تەرمەلەر, كۇيلەر, تريو انسامبلدەرىنەن اندەر ورىندالدى.
باقتيار تايجان,
«ەگەمەن قازاقستان».
قىزىلوردا وبلىسى.
