«قازاقستان رەسپۋبليكاسى اۋماعىنا شەتەلدىكتەردىڭ ەنۋىنە شاقىرتۋ جىبەرۋ مەرزىمى قىسقارتىلدى. شاقىرتۋدى ۆيزا الۋشىنىڭ قازاقستانعا كەلۋىنە دەيىن 5 كۇننەن كەشىكتەرمەي جىبەرۋ كەرەك. بۇعان دەيىن بۇل مەرزىم 14 كۇندى قۇراعان. شاقىرتۋدا شەتەلدىك ازاماتتىڭ قازاقستاندا توقتايتىن مەكەنجايى جانە جۇرەتىن جەرلەرى كورسەتىلەدى», - دەلىنگەن حابارلامادا.
سونداي-اق, شاقىرتۋدا قازاقستان رەسپۋبليكاسىنىڭ ارنايى ەلدى مەكەندەرىنە سايكەس كەلەتىن اكىمشىلىك-اۋماقتىق نىسان جىكتەۋىشىنىڭ كودى كورسەتىلەتىن بولادى. كودتى تومەندەگى سىلتەمە بويىنشا بىلۋگە بولادى.
شەتەلدىك ازاماتتا قازاقستاننىڭ ۆيزاسى بولعان جاعدايدا ول كوشى-قون ورگاندارىندا تىركەلمەيدى, سەبەبى ەلدەگى توقتاعان مەكەنجايى مەن جۇرەتىن جەرلەرى شاقىرتۋدا كورسەتىلىپ تۇرادى.
قولدانىستاعى ۆيزانىڭ مەرزىمىن ۇزارتۋعا كۇجات تاپسىرۋ ءۇشىن 30 جۇمىس كۇنىنەن كەشىكتىرمەي جانە ۆيزانىڭ مەرزىمى اياقتالعانعا دەيىن 5 كۇن بۇرىن ءوتىنىش ءبىلدىرۋ كەرەك.
