جەرەبە تارتۋ ءراسىمىنىڭ قورىتىندىسى بويىنشا «قايرات» كلۋبى ءبىرىنشى كەزەڭدە «ەنگورداني» (اندوررا) جانە «فولگورە» (سان-مارينو) كوماندالارى اراسىنداعى جەڭىمپاز كلۋبپەن كەزدەسەتىن بولدى. «ەرتىس» كومانداسى ەستونيانىڭ «نارۆا» (ەستونيا) كلۋبىمەن كەلەسى كەزەڭگە جولدامانى ساراپقا سالسا, «توبىل» گرۋزيانىڭ «سامترەديا» (گرۋزيا) كومانداسىمەن وينايدى.
ەۋروپا ليگاسىنىڭ ىرىكتەۋ كەزەڭىندەگى العاشقى ويىندار 12 شىلدە كۇنى وتسە, جاۋاپ ماتچتارى 19 شىلدەگە بەلگىلەنگەن. قازاقستاندىق كوماندالار العاشقى ويىندارىن سىرت الاڭدا وتكىزەدى. جەڭىمپاز اتانعان كلۋبتار ىرىكتەۋدى جالعاستىرادى. ال جەڭىلگەن كوماندا ەۋرودودا باسەكەسىن اياقتايدى.
دايىنداعان ءالي بيتورە,
«ەگەمەن قازاقستان»
