ساپار اياسىندا ەكونوميكالىق ىنتىماقتاستىق بويىنشا ۇكىمەتارالىق كوميسسيانىڭ وتىرىسى جانە قازاقستان-پولشا بيزنەس فورۋمى ءوتتى. سونداي-اق پولشا دەلەگاتسياسى استانادا ءوتىپ جاتقان دۇنيەجۇزىلىك تاۋ-كەن كونگرەسىنە دە قاتىسۋدا.
وسى ءىس-شارانىڭ اياسىندا قازاقستان پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى نۇرلان ەرمەكباەۆ پولشانىڭ ۇلتتىق قاۋىپسىزدىك بيۋروسىنىڭ ديرەكتورى پاۆەل سولوحپەن كەزدەسۋ وتكىزىپ, ءتۇرلى ماسەلەلەردى تالقىلادى. قوس تاراپ جاھاندىق جانە ايماقتىق قاۋىپسىزدىكتىڭ وزەكتى تۇستارىن, اعىمداعى تاۋەكەلدەر, «شيەلەنىستى نۇكتەلەردە» ورىن الىپ وتىرعان جاعدايلار بويىنشا پىكىر الماستى. كەزدەسۋ بارىسىندا نۇرلان ەرمەكباەۆ ەكى ەلدىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەلەرى رەتىندەگى بەلسەندى ىنتىماقتاستىعىن اتاپ ءوتتى. سونىمەن بىرگە ەلىمىزدىڭ ايماقتىق قاۋىپسىزدىك قۇرىلىمدارىنىڭ قىزمەتىنە جانە بۇۇ بىتىمگەرشىلىك ميسسيالارىنا قاتىسۋعا قاتىستى كوزقاراسىن ءتۇسىندىردى.
ءوز كەزەگىندە پاۆەل سولوح قازاقستاننىڭ بۇۇ قاۋىپسىزدىك كەڭەسىندەگى بەلسەندى توراعالىعىن جانە مەملەكەت باسشىسىنىڭ جاھاندىق قاۋىپسىزدىك سالاسىنداعى بەيبىتشىلىكتى قولداۋ جونىندەگى باستامالارىن جوعارى باعالاپ, وسىلايشا قازاقستاننىڭ بۇكىل ورتالىق ازيا ايماعىنىڭ مۇددەسىن قورعاپ كەلە جاتقاندىعىن جەتكىزدى.
قازاقستان مەن پولشا تارابى ەكسترەميزم مەن تەرروريزمگە قارسى تۇرۋدىڭ بىرلەسكەن شارالارىن, ەكولوگيالىق قاۋىپسىزدىكتى قامتاماسىز ەتۋ ماسەلەلەرى جونىندەگى ىنتىماقتاستىق اياسىن كەڭەيتۋدى, سونداي-اق ەۋروپالىق وداق پەن ورتالىق ازياداعى جاعدايلار تۋرالى ەگجەي-تەگجەيلى تالقىلادى.
ۆەنەرا تۇگەلباي,
«ەگەمەن قازاقستان»
