وندا ءوڭىر باسشىسى ارحيمەد مۇحامبەتوۆ پەن استانا قالاسى اكىمىنىڭ ورىنباسارى ەرمەك امانشاەۆ ەكى قالانىڭ بولاشاقتا تىعىز ارىپتەستىگى جالعاسا بەرتىنىن ايتتى.
ء«بىز استانامىزبەن ماقتانامىز. استانانىڭ تويى – ەلدىڭ تويى. ءبىز وسىناۋ مەرەكەگە ارناپ 100-دەن استام ءىس-شارا ءتىزىمىن بەكىتتىك. قازىرگى ۋاقىتتا باس قالا مەن قوستاناي كوپتەگەن ورتاق جوبالاردى جۇزەگە اسىرىپ كەلەدى. ال, بۇگىنگى ايتۋلى شارا ەكى ءوڭىردىڭ ىنتىماعىن نىعايتا تۇسەدى. سولاردىڭ ءبىرى – «Smart Astana» جوباسى» دەدى وبلىس اكىمى ارحيمەد مۇحامبەتوۆ.
استانا قالاسى اكىمىنىڭ ورىنباسارى ەرمەك امانشاەۆ تا قوستاناي وبلىسىنىڭ جەتىستىكتەرىن وزگە وڭىرلەرگە ۇلگى ەتتى.
«قازىرگى تاڭدا استانا تىڭ باستامالار مەن الەمدىك ءىس-شارالار وتەتىن وركەنيەتتىڭ ورداسى بولىپ وتىر. ءبىز استانانىڭ 20 جىلدىعىنا وراي وسىمەن ەلىمىزدىڭ التىنشى وبلىسىنا اتباسىن تىرەپ وتىرمىز. قوستاناي وبلىسى مەن استانا قالاسىنىڭ ارىپتەستىك بايلانىسى بۇدان ءارى بەكي تۇسەتىنىنە سەنىمدىمىن» دەدى استانا باسشىسىنىڭ ورىنباسارى.
مۇنان سوڭ وڭىرارالىق ارىپتەستىكتى دامىتۋدى كوزدەگەن ەكىجاقتى مەموراندۋمعا قول قويۋ ءراسىمى ءوتتى. مەموراندۋمدارعا كاسىپكەرلىك, اۋىلشارۋاشىلىق باسقارمالارى مەن «Astana» الەۋمەتتىك-كاسىپكەرلىك كورپوراتسياسى» ۇك» اق جانە «توبىل» الەۋمەتتىك-كاسىپكەرلىك كورپوراتسياسى» ۇك» اق, «Astana Innovations» كومپانياسى مەن قوستاناي قالالىق اكىمدىگى قاتىستى.
بۇدان كەيىن ەلوردانىڭ 20 جىلدىعىنا وراي وبلىستا استانا كۇندەرى جالعاسىن تاپتى. وسى مادەني شارانىڭ اياسىندا قوستاناي تۇرعىندارى ەلوردالىق ونەرپازداردىڭ «استانادان اق تىلەك» اتتى كونتسەرتىن تاماشالادى. ە.ومىرزاقوۆ اتىنداعى وبلىستىق فيلارمونيادا وتكەن كونتسەرتكە استانا قالاسى اكىمىنىڭ ورىنباسارى ە.امانشاەۆ جانە وبلىس باسشىسى ا.مۇحامبەتوۆ قاتىستى. توبىل ايماعىنا سازدى سالەمىن جولداي كەلگەن ەلوردالىق ۇجىمنىڭ ونەرىن تاماشالاۋعا قوستانايلىقتار كوپ جينالدى. ساحنا شىمىلدىعىن «قورقىت» ءداستۇرلى مۋزىكا توبى اشتى. ولار قازاق حالقىنىڭ بىرنەشە كۇيىن ۇلتتىق اسپاپتار تىلىندە سويلەتتى. "شالقىما" حالىق ءبيى ءانسامبلىنىڭ ونەرى دە كورەرمەندەردىڭ كوڭىلىنەن شىقتى. قوس ۇجىمنىڭ دا ەلگە تانىمال, ءوز ءىسىنىڭ ناعىز شەبەرلەرى ەكەنىن ايتا كەتۋ كەرەك. ال كونتسەرتتىڭ ەكىنشى بولىگىنىڭ تىزگىنىن ەسترادالىق بي انسامبلدەرى, كلاسسيكالىق, ەسترادالىق جانە حالىقتىق ۆوكال سوليستەرى الدى. ولاردىڭ دا ارقايسىسى ءتۇرلى حالىقارالىق, رەسپۋبليكالىق بايقاۋلاردىڭ جەڭىمپازدارى. استانانىڭ تالانتتى ونەرپازدار قوستانايلىقتاردىڭ قوشەمەتىنە بولەندى.
ءنازيرا جارىمبەت,
«ەگەمەن قازاقستان»
قوستاناي
