بايلانىس قىزمەتىن پايدالانۋشىلار ءۇشىن قۇرىلعىنى تىركەۋ قيىندىق تۋدىرمايدى. اقپارات جانە كوممۋنيكاتسيالار مينيسترلىگىنىڭ مالىمەتى بويىنشا, جەكە تۇلعالار بايلانىس قۇرىلعىلارىن ءوتىنىش بەرىلگەن ساتتەن باستاپ 4 ساعاتتا, زاڭدى تۇلعالار – 8 ساعاتتا اقىسىز نەگىزدە تىركەي الادى.
ون ءتورت پەن ون سەگىز جاس ارالىعىنداعى كامەلەتكە تولماعان ازاماتتار بايلانىس قۇرىلعىلارىن زاڭدى وكىلدەرىنىڭ كەلىسىمىمەن تىركەيدى, ال 14 جاسقا دەيىنگى كامەلەتكە تولماعاندار ءۇشىن زاڭدى وكىلدەرى نەمەسە اتا-انالارى تاراپىنان جۇزەگە اسىرىلادى.
ۇيالى بايلانىس قۇرىلعىلارىن تىركەۋ جانە قايتا تىركەۋ ءۇشىن قۇرىلعىنىڭ يەسى قىزمەت كورسەتۋدىڭ اۆتوماتتاندىرىلعان قىزمەت كورسەتۋ جۇيەسى ارقىلى نەمەسە ۇيالى بايلانىس وپەراتورلارىنىڭ كەڭسەلەرىنە تومەندەگى تىزىمدەگى قۇجاتتاردى ۇسىنۋى ءتيىس:
1) جسن (جەكە تۇلعالار ءۇشىن) نەمەسە بين (زاڭدى تۇلعالار ءۇشىن);
2) ابونەنتتىك ۇيالى بايلانىس قۇرىلعىسىنىڭ يدەنتيفيكاتسيالىق (IMEI) كودى;
3) ابونەنتتىك ۇيالى بايلانىس قۇرىلعىسىندا قولدانىلاتىن ابونەنتتىك ءنومىرى.
ەڭ باستىسى تۇتىنۋشىلار ۇيالى بايلانىس قۇرىلعىلارىن 2018 جىلدىڭ سوڭىنا دەيىن تىركەۋدەن وتكىزىپ ۇلگەرۋى ءتيىس. ويتكەنى ۇيالى بايلانىس قۇرىلعىلارى تىركەلمەگەن جاعدايدا 2019 جىلدىڭ 1 قاڭتارىنان باستاپ ولارعا ۇيالى بايلانىس قىزمەتى كورسەتىلمەيدى.
ايتا كەتۋ كەرەك ابونەنتتەر ۇيالى بايلانىس قۇرىلعىلارىن تىركەۋ ءۇشىن بايلانىس وپەراتورلارىنىڭ ابونەنتتىك بولىمدەرىنە بارماسا دا بولادى. ولار قۇرىلعىلارىن تىركەۋدى ونلاين رەجىمىندە نەمەسە SMS ارقىلى جۇزەگە اسىرا الادى.
سەرىك ابدىبەك,
«ەگەمەن قازاقستان»
